Ўзбекистонда ўтган 11 ой ичида энг кўп Cobalt автомобили ишлаб чиқарилди
Ўзбекистон автомобиль ишлаб чиқариш саноатида 2021 йилнинг январь—ноябрь ойларида 61 073 дона Cobalt ишлаб чиқарилган. Бу ҳақда Давлат статистика қўмитаси хабар берди.
Фото: «Дарё» / Мадина Нурман
2021 йилнинг ўтган 11 ойида ишлаб чиқарилган автомобиллар:
Cobalt — 61 073 дона;
Lacetti-Gentra — 41 592 дона;
Nexia Т-250 — 25 833 дона;
Damas — 48 432 дона;
Labо — 13 413 дона;
Spark — 8 580 дона.
Эслатиб ўтамиз, UzAuto Motors август ойида атиги 2 дона Gentra ва бирорта ҳам Spark ишлаб чиқармаганди. Компания буни яримўтказгичларнинг глобал танқислиги ва ишлаб чиқариш босқичма-босқич трансформация қилингани билан изоҳлаб, шу доирада ягона платформадаги автомобилларни ишлаб чиқаришга ўтиш режалаштирилганини маълум қилган эди. Сентябрь охирларида эса компания Lacetti ва Spark ишлаб чиқариш тикланганини эълон қилди. Октябрь бошида эса UzAuto Motors Lacetti ишлаб чиқариш ҳажмини оширди. Октябрь охирига бориб компания Lacetti ва Labо етказиб беришни 2 ойга кечиктирганини маълум қилди. Ноябрь охирида эса UzAuto Motors барча турдаги автомобилларини етказиб беришни 2 ойга кечиктирди.
Изоҳ (0)