«Менга ҳанузгача самимийлик ва ҳаракатчанлик етишмайди». КХДР раҳбари Ким Чен Индан 10 иқтибос
КХДР раҳбари Ким Чен Ин мамлакатдаги антиқа қарорлари, халқаро майдонда бошқа давлатларга нисбатан ўзига хос таҳдидлари билан шуҳрат қозонган. «Коммерсантъ» Ким Чен Иннинг 10 иқтибосини тўплаган («Дарё» уларнинг таржимасини эътиборингизга ҳавола қилади).
Омма билан ишлаш ҳақида
«Ўртоқ Ким Чен Ир бегона қалблар зулмат томонида бўлиши мумкин, лекин биз инсонни унинг ички дунёси орқали билишни ўрганишимиз керак деб айтганди. Партия бўлинмалари, унинг (Ким Чен Ирнинг) доҳиёна фикрларига таяниб, инсон қалбига тўғри назар солиши ва унга хурофотдан йироқлашган ҳолда тўғри баҳо беришни ўрганиши зарур. Оммани партия бўлинмаларига муносиб қилиб етиштиришда фақат жамоавий тарбияга боғланиб қолмай, индивидуал жиҳатларга ҳам эътибор қаратиш лозим».
2013 йил январь ойида Корея ишчи партияси бўлинмалари йиғилишида Ким Чен Ин сўзлаган нутқдан олинган иқтибос.
КХДР ишига аралашувлар ҳақида«Айни вақтда мустамлакачилар террорчиликка қарши кураш ниқоби остида бошқа мамлакатлар ҳарбий ишига аралашиши ва тажавузкор ҳаракатлар қилишга интилмоқда. Улар мустақилик учун интилаётган, мустамлакачиларга қарши бўлган мамлакатларни, муҳим стратегик нуқталарни ва асосий табиий ресурслар манбаларини эгаллашни мақсад қилган. Бутун дунёда бошқаларнинг ички ишларига аралашувлар, зулмкор ҳаракатлар, миллатларнинг мавжудлиги ва суверенитетига зид ишлар тўхтамаяпти».
2012 йил 6 апрелда Корея меҳнат партияси марказий кенгашининг масъул ишчилари билан учрашувдаги нутқдан.
Мусиқа ҳақида«Анъанавий ва оммавий мусиқа санъатининг даврга, миллат, ғоялар ва кайфиятга ҳамоҳанг равишда доимий ривожланишини таъминлаш зарур. Мусиқамизнинг жаҳон миқёсига чиқиши учун имконият яратишимиз керак».
2012 йил 6 июлда Ким Чен Ин ташаббуси билан ташкил этилган Моранбон оркестри фаолияти билан танишган вақтида айтилган гаплар.
Кореянинг бўлиниши ҳақида«Ич-ичимдан мамлакатнинг бўлиниб кетганига ачинаман, тахминан 70 йил аввал содир бўлган воқеа бир ерда бир миллат бўлиб яшаган ватандошларимизнинг азобларга дучор қилди. Бизнинг партия ва республика ҳукумати мамлакат бирлашувини чин дилдан истаётган, тинчлик ва миллатнинг тараққий этишининг тарафдори бўлган инсонларга қўл тутишга, масъулият ва сабр билан мазкур тарихий иш – ватанни бирлаштириш учун ҳаракат қилишга тайёр».
2012 йил 15 апрелда Ким Ир Сеннинг 100 йиллигига бағишланган ҳарбий парадда сўзлаган нутқидан олинган иқтибос.
Ўзи ҳақида«Ўртоқлар, мен ҳамиша жуда кўп – кенг осмондек, денгиздек нарсалар, аввало, фуқароларимизнинг ишончини олганман, аммо ушбу ишончга ҳар доим ҳам муносиб жавоб қайтара олмаганман, бу учун ўзимни оқлай олмайман… Гарчи мен Буюк етакчи Ким Ир Сендан ва буюк саркарда Ким Чен Ирдан кўплаб жиҳатларни ўрганганимга, мамлакатни бошқаришдек улкан масъулиятни зиммамга олганимга қарамай, ҳанузгача самимийлик ва айрим ҳолатларда ҳаракатчанлик етишмайди, шунинг учун ҳам барча фуқароларимиз кундалик ҳаётдаги қийинчиликлардан озод бўла олмаяпти».
2021 йил 21 октябрда Корея Меҳнат партиясининг 75 йиллиги муносабати билан ўтказилган парадда айтган сўзлари.
Ракета дастури ҳақида«Шимолий Корея ҳар қандай янги турдаги қитъалараро баллистик ракеталарини ядро қуроли билан бирга йўналтириши ва ердаги ҳар қандай ёвузлик вакилини жазолаши мумкин, жумладан, АҚШнинг материк қисмига ҳам забт этиш узоқлигига қараб зарба бера олади».
2019 йил апрель ойида узоқ мусофадаги нишонни ура оладиган ракета двигателининг синови вақтидаги нутқидан.
Мавзуга доир:
«Бугун соғлиқни сақлаш соҳасида кузатилган глобал инқироз оқибатида муҳтожлик ва қийинчиликларга дуч келяпмиз, узоқ вақт давом этган изоляция уруш давридагидан ҳам қийинроқ, мураккаброқ синовга айланди».
2021 йил 28 июлда тинчлик келишуви имзоланганининг 68 йиллиги муносабати билан ўтказилган миллий конференциядаги нутқидан.
Ўтмиш ва бугунги кун ҳақида«Кеча катта кучлар топтаб ташлаган кичик ва заиф мамлакат эдик. Бугун геосиёсий жиҳатдан ҳолатимиз ўзгаргани йўқ, лекин биз мағрур сиёсий ҳамда ҳарбий жамоа – мустақил миллат сифатида бирлашдик, бизга ҳеч ким фитна қила олмайди. Душманларимиз бизга ядро бомбалари билан таҳдид қиладиган даврлар ўтмишда қолди».
2012 йил 15 апрелда Пхаэняндаги Ким Ир Сен майдонида сўзлаган нутқидан парча.
Россия ҳақида«Бу сафар бизга дўст бўлган буюк қўшнимизнинг уйида катта қувонч билан меҳмон бўлдик. Фурсатдан фойдаланиб давлатимиз, ҳукуматимиз ва халқимиз номида жаноб президент ҳамда россиялик қадрли дўстларимизга қайноқ саломимни етказаман».
2019 йил 25 апрелда Россия президент Владимир Путин билан Владивостокда ўтказилган музокаралардан кейин айтган гаплари.
Социализм ҳақида«Сўнгги йилларда гарчи тарихда кузатилаётган оғир ҳолатга қарамай, давлат қуввати ва мамлакатнинг мақоми кескин ўсди. Ҳозирда дунёнинг кўплаб мамлакатларида танқислик кузатилаётган бўлса ҳам, социализмдаги фаровон ҳаёт барча ва ҳар бир инсон учун ҳеч кимга ҳасад қилмай тўкин-сочин ҳаёт кечириш имконини беради ва бу узоқ келажакда эмас яқин орада содир бўлади».
2021 йил 27 май касаба қўмиталарининг қурултойида йўллаган мурожаатномадан олинган иқтибос.
