KXDR rahbari Kim Chen In mamlakatdagi antiqa qarorlari, xalqaro maydonda boshqa davlatlarga nisbatan o‘ziga xos tahdidlari bilan shuhrat qozongan. “Kommersant” Kim Chen Inning 10 iqtibosini to‘plagan (“Daryo” ularning tarjimasini e’tiboringizga havola qiladi).
Omma bilan ishlash haqida
“O‘rtoq Kim Chen Ir begona qalblar zulmat tomonida bo‘lishi mumkin, lekin biz insonni uning ichki dunyosi orqali bilishni o‘rganishimiz kerak deb aytgandi. Partiya bo‘linmalari, uning (Kim Chen Irning) dohiyona fikrlariga tayanib, inson qalbiga to‘g‘ri nazar solishi va unga xurofotdan yiroqlashgan holda to‘g‘ri baho berishni o‘rganishi zarur. Ommani partiya bo‘linmalariga munosib qilib yetishtirishda faqat jamoaviy tarbiyaga bog‘lanib qolmay, individual jihatlarga ham e’tibor qaratish lozim”.
2013-yil yanvar oyida Koreya ishchi partiyasi bo‘linmalari yig‘ilishida Kim Chen In so‘zlagan nutqdan olingan iqtibos.
KXDR ishiga aralashuvlar haqida“Ayni vaqtda mustamlakachilar terrorchilikka qarshi kurash niqobi ostida boshqa mamlakatlar harbiy ishiga aralashishi va tajavuzkor harakatlar qilishga intilmoqda. Ular mustaqilik uchun intilayotgan, mustamlakachilarga qarshi bo‘lgan mamlakatlarni, muhim strategik nuqtalarni va asosiy tabiiy resurslar manbalarini egallashni maqsad qilgan. Butun dunyoda boshqalarning ichki ishlariga aralashuvlar, zulmkor harakatlar, millatlarning mavjudligi va suverenitetiga zid ishlar to‘xtamayapti”.
2012-yil 6-aprelda Koreya mehnat partiyasi markaziy kengashining mas’ul ishchilari bilan uchrashuvdagi nutqdan.
Musiqa haqida“An’anaviy va ommaviy musiqa san’atining davrga, millat, g‘oyalar va kayfiyatga hamohang ravishda doimiy rivojlanishini ta’minlash zarur. Musiqamizning jahon miqyosiga chiqishi uchun imkoniyat yaratishimiz kerak”.
2012-yil 6-iyulda Kim Chen In tashabbusi bilan tashkil etilgan Moranbon orkestri faoliyati bilan tanishgan vaqtida aytilgan gaplar.
Koreyaning bo‘linishi haqida“Ich-ichimdan mamlakatning bo‘linib ketganiga achinaman, taxminan 70 yil avval sodir bo‘lgan voqea bir yerda bir millat bo‘lib yashagan vatandoshlarimizning azoblarga duchor qildi. Bizning partiya va respublika hukumati mamlakat birlashuvini chin dildan istayotgan, tinchlik va millatning taraqqiy etishining tarafdori bo‘lgan insonlarga qo‘l tutishga, mas’uliyat va sabr bilan mazkur tarixiy ish – vatanni birlashtirish uchun harakat qilishga tayyor”.
2012-yil 15-aprelda Kim Ir Senning 100 yilligiga bag‘ishlangan harbiy paradda so‘zlagan nutqidan olingan iqtibos.
O‘zi haqida“O‘rtoqlar, men hamisha juda ko‘p – keng osmondek, dengizdek narsalar, avvalo, fuqarolarimizning ishonchini olganman, ammo ushbu ishonchga har doim ham munosib javob qaytara olmaganman, bu uchun o‘zimni oqlay olmayman… Garchi men Buyuk yetakchi Kim Ir Sendan va buyuk sarkarda Kim Chen Irdan ko‘plab jihatlarni o‘rganganimga, mamlakatni boshqarishdek ulkan mas’uliyatni zimmamga olganimga qaramay, hanuzgacha samimiylik va ayrim holatlarda harakatchanlik yetishmaydi, shuning uchun ham barcha fuqarolarimiz kundalik hayotdagi qiyinchiliklardan ozod bo‘la olmayapti”.
2021-yil 21-oktabrda Koreya Mehnat partiyasining 75-yilligi munosabati bilan o‘tkazilgan paradda aytgan so‘zlari.
Raketa dasturi haqida“Shimoliy Koreya har qanday yangi turdagi qit’alararo ballistik raketalarini yadro quroli bilan birga yo‘naltirishi va yerdagi har qanday yovuzlik vakilini jazolashi mumkin, jumladan, AQShning materik qismiga ham zabt etish uzoqligiga qarab zarba bera oladi”.
2019-yil aprel oyida uzoq musofadagi nishonni ura oladigan raketa dvigatelining sinovi vaqtidagi nutqidan.
Mavzuga doir:
“Bugun sog‘liqni saqlash sohasida kuzatilgan global inqiroz oqibatida muhtojlik va qiyinchiliklarga duch kelyapmiz, uzoq vaqt davom etgan izolyatsiya urush davridagidan ham qiyinroq, murakkabroq sinovga aylandi”.
2021-yil 28-iyulda tinchlik kelishuvi imzolanganining 68 yilligi munosabati bilan o‘tkazilgan milliy konferensiyadagi nutqidan.
O‘tmish va bugungi kun haqida“Kecha katta kuchlar toptab tashlagan kichik va zaif mamlakat edik. Bugun geosiyosiy jihatdan holatimiz o‘zgargani yo‘q, lekin biz mag‘rur siyosiy hamda harbiy jamoa – mustaqil millat sifatida birlashdik, bizga hech kim fitna qila olmaydi. Dushmanlarimiz bizga yadro bombalari bilan tahdid qiladigan davrlar o‘tmishda qoldi”.
2012-yil 15-aprelda Pxaenyandagi Kim Ir Sen maydonida so‘zlagan nutqidan parcha.
Rossiya haqida“Bu safar bizga do‘st bo‘lgan buyuk qo‘shnimizning uyida katta quvonch bilan mehmon bo‘ldik. Fursatdan foydalanib davlatimiz, hukumatimiz va xalqimiz nomida janob prezident hamda rossiyalik qadrli do‘stlarimizga qaynoq salomimni yetkazaman”.
2019-yil 25-aprelda Rossiya prezident Vladimir Putin bilan Vladivostokda o‘tkazilgan muzokaralardan keyin aytgan gaplari.
Sotsializm haqida“So‘nggi yillarda garchi tarixda kuzatilayotgan og‘ir holatga qaramay, davlat quvvati va mamlakatning maqomi keskin o‘sdi. Hozirda dunyoning ko‘plab mamlakatlarida tanqislik kuzatilayotgan bo‘lsa ham, sotsializmdagi farovon hayot barcha va har bir inson uchun hech kimga hasad qilmay to‘kin-sochin hayot kechirish imkonini beradi va bu uzoq kelajakda emas yaqin orada sodir bo‘ladi”.
2021-yil 27-may kasaba qo‘mitalarining qurultoyida yo‘llagan murojaatnomadan olingan iqtibos.
Izoh (0)