Актриса ва дизайнер Шаҳзода Муҳаммедова «Sb.uz» YouTube каналига берган интервусида қачонлардир хонанда бўлишни орзу қилгани, консерваторияга ҳужжат топширмоқчи бўлганида таниқли бастакор Дилором Омонуллаева бунга тўсқинлик қилгани ҳақида сўзлаб берди.
«Жудаям хонанда бўлишни орзу қилганман. Ҳам дизайнер, ҳам хонанда бўламан, деган орзу болаликдан бўлган менда. Кино соҳасида ишлашни умуман орзу қилмаган эканман. Дизайнерлик соҳасини ўқиб тугатдим, уйдагиларимнинг истагига кўра Тошкент давлат иқтисодиёт университетини ҳам битирдим. Олий маълумотлиман, лекин нимадир етишмаяпти менга. Мусиқани жуда ҳам яхши кўраман. Ҳаттоки уйимда фортепианом бор. Болаликдан чалганман, Дубайга борганимда ўзимга гитара сотиб олганман. Мусиқанинг ҳаётимга бошқача таъсири бор эди. Кейин иккинчи мутахассислик бўйича консерваторияда ўқийман, деб бордим. Не-не умидлар билан бориб Дилором Омонуллаева деган инсонга учраб турибманку. Мана шу ери ёмон бўлган. У аёл менга шунақанги ёмон муносабатда бўлганки, мусиқа санъатига бўлган меҳримни сўндириб юборган. Ўша аёл сабабли шу ўқишга бўлган иштиёқим сўниб қолган. Кейин билсам, у аёл жуда кўпчиликка таълим берган профессор экан. Лекин кўплаб эстрада хонандаларининг дилини оғритиб, кўпчиликка зарба берган, керак бўлса, кўнглини қолдирган устозлардан бири экан. Мен уларни ёмонламоқчи эмасман. Ижодларини ҳурмат қиламиз. Умрлари узоқ бўлсин», — дейди Шаҳзода Муҳаммедова.
Изоҳ (1)
Juda ajoyib hikoya. Biz uning boshqacha talqinini ham bilamiz:
Kunlardan bir kun, o'ziga bino qo'ygan dizaynerimiz Dilorom Omonullayeva yoniga kelib, uni o'qishga uchinchi kursdan qabul qilishini, buning evaziga og'ziga siqqanicha pul berishini iddao qiladi. Omonullayeva qizni haydab yuboradilar. U ketganidan bir necha daqiqa o'tib yurak hurujini boshlaridan o'tkazadilar. Hozir ularning yuragiga stend qo'yilgan. Bunga bu bebosh qiz nima derkin? Juda qiziq!