AKFA Group холдингига кирувчи Imzo биринчи ҳудудий корхона қурилишини якунлади. 6 декабрь куни Нукус шаҳрида маҳсулот ҳажмини ошириш, вилоятда савдо алоқаларини кенгайтириш имконини берувчи завод ишга туширилди.
6 декабрь куни ишлаб чиқариш жадаллигини ривожлантириш ва кенгайтириш стратегиясига мувофиқ Imzo компанияси Нукус шаҳридаги биринчи ҳудудий заводни ишга туширди.
Тадбирда фахрий меҳмонлар қаторида Қорақалпоғистон Республикаси Жўқорғи Кенгеси раиси М. Камалов, Қорақалпоғистон Республикаси Вазирлар Кенгаши раиси Қ. Сариевлар иштирок этди.
Янги ишлаб чиқариш базаси логистика харажатларини қисқартириш, ҳудудда маҳсулотга нисбатан ўсиб бораётган талабни қондириш ва ишлаб чиқариш муддатини қисқартириш имконини беради.
Бундан ташқари, Қорақалпоғистон пойтахтидаги ишлаб чиқариш базаси Туркманистон ва Ғарбий Қозоғистонга Imzo эшик ва дераза дизайнининг барча турларини етказиб берадиган логистика марказига айланади.
Нукусдаги янги заводнинг ишлаб чиқариш майдони 8230 квадрат метрни ташкил этади ва максимал ишлаб чиқариш қувватини йилига 300 000 квадрат метргача ошириш имконини беради. Компанияда 265 та янги иш ўрни яратилди.
Корхонада Германия, Туркия, Италиянинг Schtec, Lisec, Intermac, Kaban, Glaston каби ишлаб чиқарувчиларнинг замонавий ускуналари ўрнатилди.
Нукусдаги заводда алюминий ва PVX профиллардан дераза ва эшик тизимлари, роллет ва фасад конструкциялари ишлаб чиқарилади. Технологик жараённинг барча босқичларида қатъий сифат назорати йўлга қўйилган ва маҳсулот турли синовлардан ўтказилади, бу аҳолининг сифатли маҳсулотга бўлган эҳтиёжини тўлақонли қондириш имконини беради.
Эслатиб ўтамиз, Нукусдаги корхона Imzo Ўзбекистон бўйлаб очишни режалаштираётган 15 та ҳудудий базадан биринчиси бўлди.
Шу куни заводдан ташқари Imzo расмий салони ҳам очилди, у ерда ташриф буюрувчилар компания маҳсулотлари билан танишиши, ташқи кўриниши, қулайлиги, функционаллигини баҳолаши ҳамда мутахассисларга ўзининг қизиқтирган саволларини бериши мумкин.
Завод ва кўргазма зали қуйидаги манзилда жойлашган: Қорақалпоғистон Республикаси, Нукус, «Жанбозор» МФЙ, Жанубий саноат зонаси.
Қўшимча маълумотга эга бўлиш учун +99871 207 77 77 рақами орқали колл-марказга боғланишингиз мумкин.
AKFA Group холдинги 2016 йилда Тошкент шаҳрида Ўзбекистон ва МДҲ мамлакатларидаги энг йирик Imzo дераза ва эшик конструкцияларини йиғиш ва ишлаб чиқариш заводини ишга туширди.
Imzo — шаффоф алюминий ва PVX конструкцияларни, 160 000 квадрат метр майдонга эга фасад тизимларини ишлаб чиқариш бўйича ноёб лойиҳа.
Реклама ҳуқуқи асосида.
Изоҳ (0)