AKFA Group xoldingiga kiruvchi Imzo birinchi hududiy korxona qurilishini yakunladi. 6-dekabr kuni Nukus shahrida mahsulot hajmini oshirish, viloyatda savdo aloqalarini kengaytirish imkonini beruvchi zavod ishga tushirildi.
6-dekabr kuni ishlab chiqarish jadalligini rivojlantirish va kengaytirish strategiyasiga muvofiq Imzo kompaniyasi Nukus shahridagi birinchi hududiy zavodni ishga tushirdi.
Tadbirda faxriy mehmonlar qatorida Qoraqalpog‘iston Respublikasi Jo‘qorg‘i Kengesi raisi M. Kamalov, Qoraqalpog‘iston Respublikasi Vazirlar Kengashi raisi Q. Sariyevlar ishtirok etdi.
Yangi ishlab chiqarish bazasi logistika xarajatlarini qisqartirish, hududda mahsulotga nisbatan o‘sib borayotgan talabni qondirish va ishlab chiqarish muddatini qisqartirish imkonini beradi.
Bundan tashqari, Qoraqalpog‘iston poytaxtidagi ishlab chiqarish bazasi Turkmaniston va G‘arbiy Qozog‘istonga Imzo eshik va deraza dizaynining barcha turlarini yetkazib beradigan logistika markaziga aylanadi.
Nukusdagi yangi zavodning ishlab chiqarish maydoni 8230 kvadrat metrni tashkil etadi va maksimal ishlab chiqarish quvvatini yiliga 300 000 kvadrat metrgacha oshirish imkonini beradi. Kompaniyada 265 ta yangi ish o‘rni yaratildi.
Korxonada Germaniya, Turkiya, Italiyaning Schtec, Lisec, Intermac, Kaban, Glaston kabi ishlab chiqaruvchilarning zamonaviy uskunalari o‘rnatildi.
Nukusdagi zavodda alyuminiy va PVX profillardan deraza va eshik tizimlari, rollet va fasad konstruksiyalari ishlab chiqariladi. Texnologik jarayonning barcha bosqichlarida qat’iy sifat nazorati yo‘lga qo‘yilgan va mahsulot turli sinovlardan o‘tkaziladi, bu aholining sifatli mahsulotga bo‘lgan ehtiyojini to‘laqonli qondirish imkonini beradi.
Eslatib o‘tamiz, Nukusdagi korxona Imzo O‘zbekiston bo‘ylab ochishni rejalashtirayotgan 15 ta hududiy bazadan birinchisi bo‘ldi.
Shu kuni zavoddan tashqari Imzo rasmiy saloni ham ochildi, u yerda tashrif buyuruvchilar kompaniya mahsulotlari bilan tanishishi, tashqi ko‘rinishi, qulayligi, funksionalligini baholashi hamda mutaxassislarga o‘zining qiziqtirgan savollarini berishi mumkin.
Zavod va ko‘rgazma zali quyidagi manzilda joylashgan: Qoraqalpog‘iston Respublikasi, Nukus, “Janbozor” MFY, Janubiy sanoat zonasi.
Qo‘shimcha ma’lumotga ega bo‘lish uchun +99871 207 77 77 raqami orqali koll-markazga bog‘lanishingiz mumkin.
AKFA Group xoldingi 2016-yilda Toshkent shahrida O‘zbekiston va MDH mamlakatlaridagi eng yirik Imzo deraza va eshik konstruksiyalarini yig‘ish va ishlab chiqarish zavodini ishga tushirdi.
Imzo — shaffof alyuminiy va PVX konstruksiyalarni, 160 000 kvadrat metr maydonga ega fasad tizimlarini ishlab chiqarish bo‘yicha noyob loyiha.
Reklama huquqi asosida.
Izoh (0)