Таом етказиб бериш хизматлари аллақачон ҳаётимизнинг ажралмас қисмига айланиб улгурган. Янги лойиҳалар, режалар, ғоялар ва вазифаларнинг кўплиги сабабли, турли хил таом етказиб бериш хизматларидан фойдаланиш эҳтиёжи пайдо бўлади. Аммо ҳозирда фаолият олиб бораётган етказиб бериш хизматларининг деярли барчасида таомларни фақатгина кафе ва ресторанлардан буюртма қилишингиз мумкин. Ҳамюртларимизнинг кўпчилиги эса уйда алоҳида меҳр билан тайёрланган таомларни ҳуш кўриши ҳеч кимга сир эмас. Coozin платформаси сизларга айнан шундай имкониятни тақдим этади.
Coozin — бу бир қатор афзалликларга эга пазандачилик платформаси. У ижтимоий лойиҳа сифатида ишлаб чиқилган бўлиб, биринчи навбатда аёлларни иш ва қўшимча даромад билан таъминлашга йўналтирилган.
Деярли ҳар бир уй бекаси хонадонидан чиқмасдан қўшимча даромадга эга бўлиш, ўзининг асосий машғулотларидан бири — турли хил мазали таомларни тайёрлашни даромад манбаига айлантириш ҳақида ўйлаб кўрган. Аммо барчамизга маълумки, илк маротаба ўз тадбиркорлик фаолиятини йўлга қўймоқчи бўлган аёллар бир қатор муаммоларга дуч келади. Жумладан, мижозларни излаш ва улар билан муносабатларни йўлга қўйиш, етказиб бериш хизматини ташкил этиш ҳамда тўлиқ назорат қилиш ва ҳоказо.
Coozin пазандачилик платформаси аёлларга уйдан чиқмасдан пул ишлаш имкониятини тақдим этади. Уй бекаларидан фақатгина юқори сифатли мазали таомларни тайёрлаш талаб этилади. Мижоз топиш, етказиб бериш, маркетинг ва реклама каби ортиқча ташвишларни Coozin платформаси ўз зиммасига олади. Лойиҳа билан ҳамкорликни йўлга қўйган уй бекалари ўз кўникмаларини ошириши ва тадбиркорлик фаолиятини янада ривожлантириши учун таниқли қандолатчи, ошпаз, фотосуратчи ва тадбиркорлар иштирокида доимий равишда семинар ва тренинглар ташкил этилади.
«Кичкиналигимданоқ турли хил мазали таомлар пиширишни яхши кўраман. Coozin платформаси билан ҳамкорликни бошлашдан олдин мен оддий уй бекаси эдим. Ушбу лойиҳа билан танишганимдан сўнг ҳамкорликни йўлга қўйишга қарор қилдим. Ҳозирги кунда ўз билим ва маҳоратимни ишга солган ҳолда даромадга эга бўлиш имкониятидан фойдаланяпман. Шунингдек, платформа томонидан ташкил этилаётган турли хил пазандачилик курслари, маҳорат дарслари ва тренинглар ёрдамида соҳа бўйича кўникма ва билимларимни доимий равишда ривожлантириб боряпман», — деб фикр билдирди лойиҳа ҳамкори, ошпаз Тамара Нуруллаева.
Ҳозирги вақтда Тошкент шаҳри бўйлаб етказиб бериш хизмати тўлиқ йўлга қўйилган. Яқин келажакда ошпазлар сонини 1000 тадан, кундалик буюртмалар сонини 3000 тадан ошириш режалаштирилган. Ўйлаймизки, ноёб концепция, таомларнинг сифати ва юқори даражадаги сервис натижасида Coozin платформаси соҳа етакчиларидан бирига айланади ва ўзининг муносиб улушига эга бўлади.
Уй бекалари томонидан меҳр билан тайёрланган мазали таомларни ҳозирнинг ўзида буюртма қилишингиз ва татиб кўришингиз мумкин. Бунинг учун Coozin иловасини юклаб олинг ёки coozin.uz сайтига ташриф буюринг.
Лойиҳа OBCE, Coca-Cola, IT Park Uzbekistan ва Ўзбекистон ишбилармон аёллар уюшмаси каби компаниялар кўмагида амалга оширилди.
Telegram: https://t.me/Coozin_uz
Сайт: https://www.coozin.uz/
Instagram: https://www.instagram.com/coozin_uz
Реклама ҳуқуқи асосида.
Изоҳ (0)