Президент Шавкат Мирзиёев раислигида ипотека ва қурилиш материаллари мавзусидаги видеоселектор йиғилишида қурилиш соҳасига сарфланган ҳар бир сўм эга-эгасигача тўлиқ етиб бориши зарурлиги айтилди. Бу ҳақда «Дарё» мухбири хабар қилди.
Шу боис 2022 йилдан давлат ҳисобидан бўладиган қурилишларда коррупцияга қарши курашиш бўйича янги тизим яратилиши маълум қилинди.
Бош прокурор ўринбосари Эркин Йўлдошев бошчилигида республика штаби ва вилоят штаблари тузилиши, қурилиш нархларини асоссиз ошириш, рақобатни бузиш, тасдиқланган лойиҳаларни ўзбошимчалик билан ўзгартириш, таниш-билишчиликка йўл қўймаслик устидан қатъий назорат ўрнатиш топшириқ сифатида берилди.
2022 йилда ипотека дастурлари доирасида 50 мингга яқин хонадонли уй-жойлар қурилади. Бунга қарийб 13 триллион сўм мақсадли кредит ва 1,3 триллион сўм субсидия ажратилиши таъкидланди.
«Бу дастлабки ҳисоб-китоблар. Агар талаб бўлса, яна қўшимча ресурс ажратилади», – деди президент.
Бунинг учун аҳоли ва қурувчи тадбиркорларга ипотека тизими ва қурилиш соҳасида бўладиган енгиллик, қулайлик ва имкониятлар берилиши билдирилди.
Изоҳ (0)