Бурун ўрта деворининг бир ёки иккала томонга қийшайиши нафас олишни қийинлаштиради ва бир қатор жиддий касалликларга олиб келади. Ушбу патологик ўзгариш бурун бўшлиғининг энг кенг тарқалган касалликлардан биридир.
Сабаблари:
- физиологик: буруннинг ўрта девори суяк ва тоғай қисмдан иборат, ўсиш даврида бу иккала тўқима нотекис ўсиши натижасида юзага келади.
- буруннинг шикастланиши: жароҳат туфайли юзага келади.
- бошқа касалликлар: бурун бўшлиғи полиплари, бурун бўшлиғида бегона жисмлар, рахит касаллиги сабаб бўлиши мумкин.
Бурун орқали нафас олиш қийинлашиши ва ҳатто буткул нафас ололмаслик.
Оғиз орқали нафас олганда, организм кислородга тўйинмайди, гап шундаки оғиздан нафас олганда ҳаво оқимига қаршилик бўлмайди, натижада ўпкани фақат пастки қисми кислород алмашинувида иштирок этади. Юқори қисмида ҳаво алмашинуви бузилади, бу ҳолатнинг узоқ вақт давом этиши ўпка ҳажмини камайтиради ва инфекцияга қарши курашиш қобилиятини пасайтиради.
Бурун атрофидаги бўшлиқларнинг (синусларни) сурункали яллиғланиши.
Сурункали гайморит, этмоидит, фронтит касалликларини келтириб чиқаради. Синуслар бурун бўшлиғи билан майда «туннел» ва тешиклар билан туташган, ҳаво оқими бурундан ўтиш жараёнида синусларда айланиб қуруқ ҳаво намланади, совуқ ҳаво исийди, инфекция, чангдан тозаланади. Ундан ташқари синуслар товушини тўғри талаффузини таъминлайди.
Мия ва ички аъзолар функциясининг бузилиши ва касалланиши.
Кислород етишмаслиги ва сурункали инфекция ўчоғидан чиқаётган токсинлар мия иш фаолиятини бузади. Юрак, буйрак фаолиятини сусайтиради ва сурункали касалликлар пайдо бўлади
Қандай даволаш мумкин?
Фақат жарроҳлик усулида даволанади. Операция эндоназал усулда юз терисини кесмасдан амалга оширилади, бурун ўрта девори қийшиқ қисмини олиш, тўғирлаш ва реимплантация қилишдан иборат. Шунингдек, бурун шиллиқ қавати сақланиб қолади.
Шифокор Хуршид Аъзамхўжаев тавсиялари асосида тайёрланди.
Изоҳ (0)