Mobiuz’нинг янги ва амалдаги абонентлари учун бонуслар, танловлар, янги тариф режаси ва бошқа кўплаб кутилмаган совғалар мавжуд.
Ҳар йили 1 декабрь куни Mobiuz компанияси учун катта байрам. Зеро, 2014 йилнинг айнан шу кунида мобил алоқа оператори тижорий фаолиятини бошлаган ва унга илк абонентлар уланган.
Бутун фаолияти давомида Mobiuz Ўзбекистон учун энг замонавий хизматлар ҳамда аҳоли талабларига мос бўлган маҳсулот ва хизматларни жорий этишга интилиб келмоқда. Масалан, у 2021 йилнинг апрель ойидан буён eSIM хизматини мамлакатда ишга туширган ягона оператор бўлиб қолмоқда.
Компания ўзининг 7 йиллигини улкан билим, тажриба ва ютуқлар билан қарши олмоқда. Шу кунга келиб, Mobiuz 5 миллиондан ортиқ абонентлар ва корпоратив мижозларга хизмат кўрсатмоқда. Ўнлаб тариф режалар ва хизматлар жорий этилган. Республика бўйича компаниянинг 40 дан ортиқ офислари ва тижорат ҳамкорларининг 1,9 мингга яқин савдо шохобчалари хизмат кўрсатмоқда. Хитой Халқ Республикаси билан инвестиция лойиҳаси муваффақиятли амалга оширилишни бошлади, унинг доирасида ҳозирги кунгача 1000 дан ортиқ Mobiuz таянч станциялари ишга туширилди.
Mobiuz ўзининг туғилган куни муносабати билан барчани 7.mobi.uz сайтига таклиф қилади, бу ерда компаниянинг ривожланиш тарихи ва жорий фаолиятига оид барча фойдали маълумотлар билан танишишиб чиқишингиз мумкин. Mobiuz’нинг амалдаги абонентлари ўз маълумотларини киритишлари ва хизматлардан фойдаланиш тажрибаси билан танишишлари, шунингдек, дақиқа ёки мегабайтлар кўринишидаги ёқимли бонусларга эга бўлишлари мумкин.
Mobiuz учун 7 рақами ҳар доим алоҳида маънога эга эканлигини ҳисобга олиб, мобил оператор ўзининг туғилган кунини ўзгача тарзда нишонламоқда. Компания янги «Mobiuz 7 yil» номли ноёб тариф режасини ишга туширди. Ойига бор-йўғи 77 777 сўм эвазига абонентлар 77 777 Мб, Ўзбекистон бўйича 7 777 дақиқа ва 777 та SMS хабарга эга бўлишади. Тариф режасига фақат 2021 йилнинг 31 декабригача уланиш ёки ўтиш мумкин.
Шу кунларда «Орзулар учун миллионлар!» номли улкан акция ҳам давом этмоқда. Акция доирасида Mobiuz абонентлари 300 миллион сўмгача бўлган пул ютуқлари ва Дубайга икки кишилик 4 та йўлланмани ютиб олишлари мумкин.
Mobiuz ижтимоий тармоқларда ҳам 7 йиллигини кенг нишонламоқда — компания ўзининг расмий Telegram канали ва Instagram аккаунти орқали қимматбаҳо совринларни ўйнамоқда.
Mobiuz ўзининг барча абонентлари, мижозлари, тижорат ва бизнес ҳамкорларига ишонч, ҳамкорлик ва хайрихоҳлик учун ўз миннатдорчилигини билдиради. Компания илғор технологик ечимлар ва юқори даражадаги хизматларни тақдим этиш орқали ўзининг узоқ муддатли ривожланиш стратегиясини амалга оширишда давом этади.
Реклама ҳуқуқи асосида.
Изоҳ (0)