Камерунлик ёш жуфтлик Керолайн ва Ричард Акве ўз эгизакларининг дунёга келишини интиқлик билан кутишган эди. 26 ёшли Керолайн мунтазам равишда шифокор қабулига борар, ҳомиладорлик эса муваффақиятли ўтарди. Эгизаклар ўз вақтида кесарча кесиш йўли билан туғилди. Аммо ёш ота-онани ёқимсиз хабар кутмоқда — чақалоқлар сон қисмидан бир-бирига бириккан эди.
Камерунда сиам эгизакларини даволашнинг иложи бўлмади, чунки мамлакатда тиббий ва технологик воситалар етарли эмас эди. Бироқ пандемияга қарамай, Камерун президенти идораси жарроҳлик билан даволаш имкони йўққа чиқмасидан олдин уларни Туркиядаги Acıbadem’га етказиш учун ҳаво йўлини ўз вақтида ташкил қилди. Шифохонада мутахассисларнинг бутун бир армияси 9 ойлик қизларни даволаш билан машғул бўлди.
Шифокорлар сафарбар қилинди
Болалар жарроҳлиги бўйича профессор Бурак Тандер, болалар нейрожарроҳлиги бўйича профессор Мемет Озек, эстетик, пластик ва реконструктив жарроҳлик кафедраси профессори Ҳакан Агир, анестезиология бўйича доцент Серпил Усталар, болалар интенсив терапияси бўйича профессор Агоп Читак раҳбарлигида тиббиёт мутахассисларининг кўп тармоқли жамоаси, шунингдек, урология, радиология, юрак-қон томир жарроҳлиги ва анестезиология бўлимларидан мутахассислар 7 ой давом этган сиам эгизакларини ажратиш жараёнида меҳнат қилишди.
Ноёб 3D манекен
Мураккаб операцияга тайёргарлик кўриш чоғида шифокорлар узоқ вақт давомида Acıbadem университетининг Биодизайн марказида олдиндан яратилган сиам эгизакларининг деталлаштирилган 3D манекенини тадқиқ этишди, бу иш эса операция муваффақиятига катта ҳисса қўшди.
Болалар нейрожарроҳлиги бўйича профессор Мемет Озек операция бошланишини шундай тасвирлайди: «Бизнинг нейрожарроҳлар гуруҳи орқа мия, миеломенингоцеле, орқа мия қобиқлари ва думғаза суягини ажратиш операциясини бошлади. Эҳтимол, бирикиш туфайли биз операцияни ҳаётимизда биринчи марта жуда ғайриоддий ҳолатда ўтказдик».
Болалар жарроҳлиги бўйича профессор Бурак Тандер қўшимча қилади: «Шунингдек, қизларнинг орқа мия, сийдик йўллари, тўғри ичак ва баъзи қон томирлари умумий эди. Уларни ажратиш учун қаттиқ меҳнат қилишимиз керак бўлди».
Эстетик, пластик ва реконструктив жарроҳлик кафедраси профессори Ҳакан Агир давом этади: «Биз операция олдидан тери, тери ости тўқималари ва мушакларни тайёрладик. Иккинчи босқичда болалар жарроҳлиги ва нейрожарроҳлик гуруҳлари томонидан операция қилинган ҳудудлар ёпилди. Биз умумий интенсив терапия ва юқумли касалликлар бўйича мутахассислар гуруҳлари билан биргаликда, операциядан кейинги яраларни даволаш билан боғлиқ муаммоларни олдини олиш учун максимал даражадаги парваришни таъминладик».
Анестезиолог Серпил Усталар Озген қўшимча қилади: «Анестезиологлар жамоасининг вазифаси жарроҳларнинг қулай ишлаши учун болаларнинг уйқуси ва хавфсизлигини таъминлаш эди. Операциядан олдин чақалоқлар ўртасида чалкашлик келиб чиқмаслиги учун барча жиҳозларни икки хил рангда тайёрладик. Биз ‘Элизабет жамоаси’ ва ‘Мери жамоаси’га бўлиндик. Дарҳақиқат, бундай интенсив режимда 27 соат биз учун бир соатдек учиб ўтди».
Болалар интенсив терапияси бўйича профессор Агоп Читак шундай хулоса қилди: «Эгизакларни жарроҳлик йўли билан ажратиш узоқ ва жуда қийин жараён. У болалар интенсив терапияси бўлимида чақалоқларни операциядан кейинги парваришлаш, назорат қилиш ва даволашни мослаштиришни талаб қилди».
27 соат давом этган ажратиш операцияси муваффақиятли ўтди. Операция хонасидан биринчи бўлиб Мери, ундан кейин Элизабет чиқди. Улар бир-бирларини биринчи марта кўрганларида, бу жуда ҳаяжонли лаҳза эди. Ҳозир улар 16 ойлик ва бу ширинтой эгизаклар иккита жисмонан мустақил чақалоқ бўлиб яшамоқда.
Қизларнинг ота-онаси Acıbadem мутахассисларининг юқори профессионал жамоасига ўз миннатдорчилигини изҳор этишди: «Биз бу ажойиб бахт учун Acibadem’нинг тажрибали шифокорлари, ҳамширалари, раҳбарияти ва барча тиббиёт ходимлари олдида қарздормиз. Аслида, ҳис-туйғуларимизни сўзлар билан ифода эта олмаймиз».
Туркиядаги Acibadem шифохоналарида даволанишга оид барча қизиқтирган саволлар бўйича Acibadem’нинг Тошкентдаги ваколатхонасига мурожаат қилишингиз мумкин.
Тошкент шаҳри, Мирзо Улуғбек тумани, Буюк Ипак йўли мавзеси, 19 уй
Телефон: +99895 144 54 45
Шунингдек, расмий сайт www.acibadem.com.ru орқали барча керакли маълумотларга эга бўлишингиз мумкин.
Реклама ҳуқуқи асосида.
Изоҳ (0)