Ўзбекистондаги тижорат банкларида доллар курси 10 840 сўмга қадар кўтарилди

Ўзбекистондаги бир нечта тижорат банклари 30 ноябрь, сешанба куни доллар валютасининг сўмга нисбатан курсини оширди.

Аксарият банклар 1 АҚШ долларини 10 760—10 785 сўмга сотиб олишни, 10 840 сўмга сотишни таклиф қилмоқда. Бу энг янги юқори кўрсаткич. Бундан олдинги рекорд 29 ноябрда ўрнатилган эди — 1 АҚШ долларининг курси 10 830 сўмга чиққан.

Қуйида долларнинг янги қийматини эълон қилган айрим банклар келтирилган:

• «Савдогар банк»: сотиб олиш — 10 785 сўм, сотиш — 10 840 сўм;
• «Алоқа банк»: сотиб олиш — 10 780 сўм, сотиш — 10 840 сўм;
• «Микрокредит банк»: сотиб олиш — 10 760 сўм, сотиш — 10 840 сўм;
• «Капитал банк»: сотиб олиш — 10 790 сўм, сотиш — 10 840 сўм;
• Asia Alliance Bank: сотиб олиш — 10 770 сўм, сотиш — 10 830 сўм.

Доллар курси ноябрь ўрталаридан бошлаб кескин ўсишни бошлаган. Бунга қадар Марказий банк ўзбек валютаси 2021 йилнинг январь—октябрь ойларида 2 фоизгагина қадрсизланганини маълум қилганди — бу сўнгги йиллардаги энг паст кўрсаткич ҳисобланади. Бироқ Ҳисоб палатаси 2022 йилда доллар курси 11 300 сўмгача кўтарилишини прогноз қилмоқда.