Қуюлтирилган сут ва оддий бисквитдан бетакрор таъмга эга торт тайёрлаймиз

Тортнинг бисквити оддий бўлишига қарамай, жуда юмшоқ ҳамда мазалидир.

Керакли маҳсулотлар:

• тухум – 4 дона;
• шакар – 140 + 90 грамм;
• ваниль – 1 чой қошиқ;
• туз –  бир чимдим;
• ун – 150 грамм;
• қабартма  –1 чой қошиқ;
•  сув – 120 мл;
• сариёғ – 180 грамм;
• қуюлтирилган сут – 180 грамм.

1. Тухум, шакар, ваниль ва туз билан яхшилаб миксерда аралаштирилади. Оч рангли қалин масса ҳосил бўлади.
2. Ун элакдан ўтказилади ва қабартма билан аралаштирилади. Сўнгра кўпиртирилган массага аста-секин солинади.
3. Масса 20-22 сантиметрли қолипга солинади ва 40-45 дақиқага печга қўйилади. Кейин совутилади.
4. Бисквит юмшоқ бўлиши учун сув ва шакар 2 дақиқа қайнатиб олинади. Сариёғ миксер қилинади ва устидан қуюлтирилган сут солиб, аралаштирилади.
5. Тайёр бўлган крем 30-40 дақиқага музлаткичга қўйилади.
6. Совутилган бисквит 2-3 қатламга бўлинади.
7. Ҳар бир қатламга сироп қуйиб, крем суртилади. Тортнинг тепа ва ён қисмларига ҳам крем суртилади.
8. 2-3 соатга музлаткичга қўйилади.