Toshkent shahridagi “Diydor” teatr-studiyasida “Kapalak tushi” nomli spektakl premyerasi bo‘lib o‘tdi. Bu haqda “Daryo” muxbiri xabar bermoqda.
Spektakl tojikistonlik yozuvchi Temur Zulfiqorovning “Xo‘ja Nasriddinning ilk muhabbati” pyesasi asosida taniqli rejissor, Tojikiston san’at arbobi Barzu Abdurazzoqov tomonidan sahnalashtirilgan.
“Kapalak tushi” Nasriddin ismli oddiy oila farzandining ilk muhabbati haqida bo‘lib, sahna asari tomoshabinni to‘g‘rilik, sof muhabbat, rostgo‘ylik haqida mulohaza qilishga undaydi.
Spektaklda asosiy rollarni Bobur Yo‘ldoshev (viloyat hokimi Talg‘atbek), Yulduz Rajabova (soqov ona Lapak bibi), Nurmuhammad Ibrohimjonov (Nasriddin), Mahliyo Asqaraliyeva (Suhayl), Anvar Hamroqulov (Mustafo bobo), Jo‘rabek Arziyev (Rustam polvon) kabi aktyorlar ijro etgan.
“Kapalak tushi” sahna asari 2021-yilning 5-, 6-, 7-dekabr kunlari soat 17:00 da “Diydor” teatr-studiyasida namoyish qilinadi.
Mavzuga doir:
- “Meni yong‘oq ichiga solib qo‘yib, sen ozodsan desangiz, men o‘zimni butun dunyoning xoqoni deb sezaman...”. Rejissor Bahodir Yo‘ldoshevni xotirlab
- “Dunyo so‘ramaymiz, bizga keragi — ozgina e’tibor”. Elmira Rahimjonova “Turon” harbiy teatri aktyorlari ta’mirtalab binoda va kam oylikka ishlayotgani haqida (video)
Izoh (0)