Ўзбекистонда 2021 йилнинг январь—октябрь ойларида 242,5 мингта никоҳ қайд этилган, деб хабар бермоқда Статистика қўмитаси.
Маълум бўлишича, кўрсаткич 2020 йилнинг мос даври билан солиштирганда 5,8 фоизга ошган. Бундан ташқари, октябрь ойида республикада 35 745 та никоҳ рўйхатдан ўтказилган.
Эслатиб ўтамиз, Ўзбекистонда январь—июнь ойларида энг кўп никоҳ қайси ҳудудда қайд этилгани маълум қилинган. Унга кўра, 6 ой давомида энг кўп никоҳ Самарқанд вилоятида қайд этилган.
Бундан ташқари, Ўзбекистонда 2021 йилнинг дастлабки олти ойида 60 ёшдан ошган аёллар орасида 152 та никоҳ ҳолати қайд этилгани хабар қилинганди. Шунингдек, Ўзбекистоннинг қайси вилоятида қариндошлар ўртасида никоҳ тузиш ҳолатлари кўпроқ эканлиги маълум бўлган.
Изоҳ (0)