Айрим маълумотларга кўра, Ер юзидаги энг кекса аёл ҳисобланувчи филиппинлик Франциска Сусано 124 ёшида вафот этди. Бу ҳақда аёл истиқомат қилган Кабанкалан шаҳри ҳукуматининг Facebook’даги расмий саҳифасига таяниб, «РБК» хабар берди.
Сусанонинг эвараси Жонатаннинг сўзларига кўра, Францисканинг ўлими вақтида унда бирор касаллик аломатлари аниқланмаган. Кабанкалана жамоат алоқалари бўйича офицери марҳумада COVID-19 белгилари йўқлигини, шу билан бирга тиббиёт ходимлари унинг организмида вирус бор ёки йўқлигини аниқлаш бўйича тест ўтказишини маълум қилган.
Филиппин ҳукуматининг маълумотларига кўра, Франциска Сусано 1897 йилда туғилган. У вақтларда мамлакат Испания бошқаруви остида бўлган. 1898 йилда Испания оролни АҚШга топширган, мустақиликка эса 1946 йилда эришган. Шунингдек, у ҳаёти давомида Буюк Британия қироличаси Виктория бошқаруви даврини ҳам кўрган. Сусанонинг 14 фарзанди бор бўлиб, тўнғич қизи ҳозирда 101 ёшда.
Аввалроқ япониялик 107 ёшли опа-сингиллар Гиннеснинг рекордлар китобидан дунёдаги энг кекса эгизаклар сифатида ўрин олгани, сайёранинг энг кекса аёли узоқ умр кўриш бўйича рекорд ўрнатгани тўғрисида хабар берилганди.
Мавзуга доир:
Изоҳ (0)