Ўзбекистонда сўнгги кунларда содир бўлгани хабар қилинган йўл-транспорт ҳодисалари ҳақида батафсил маълумот берамиз.
Жиззахда икки Nexia тўқнашди.
Жиззах вилояти Зомин тумани «Шароф Рашидов» маҳалла фуқаролар йиғини ҳудудидан ўтган Даштобод–Зомин 4Р-40 йўлининг 20-километрида йўл-транспорт ҳодисаси рўй берди.
«Шароф Рашидов» маҳалла фуқаролар йиғинида яшовчи шахс бошқарувидаги Nexia билан ўзидан олдинда ҳаракатланаётган ва орқага қайрилиш учун тўхтаган, маҳалладоши бошқарувидаги Nexia’нинг орқасидан урган.
Оқибатда олдиндаги автоулов эгасининг (2020 йилда туғилган) воқеа юз берган пайтда автомашина ичида бўлган ўғли бош мия ёпиқ жароҳати, бош мия чайқалиши ва пешона соҳаси тери ости гематомаси ташхиси билан шифохонага ётқизилган.
Ҳолат юзасидан терговга қадар текширув ўтказилмоқда.
Янгиҳаёт туманида Spark пиёдани уриб юборди.
2021 йилнинг 19 ноябрь куни соат 01:00 ларда Тошкент шаҳри, Янгиҳаёт тумани, Бинокор кўчаси 2-даражали йўлда ҳайдовчи, С.Н. (1991 йилда туғилган) Spark автомобилини бошқараётиб, ушбу кўчадан йўлнинг белгиланмаган жойидан кесиб ўтаётган пиёда, Т.З.ни (1995 йилда туғилган) уриб юборган.
Оқибатда пиёда Т.З. тан жароҳати олиб шифохонага ётқизилган.
Мазкур ЙТҲ юзасидан Тошкент шаҳар ИИББ ҳузуридаги ТБ томонидан суриштирув ҳаракатлари олиб борилмоқда
Самарқандда ҳайдовчиси ухлаб қолган Nexia бетон тўсиққа урилди.
2021 йилнинг 17 ноябрь куни тунда Самарқанд шаҳрининг Амир Темур кўчасида ҳайдовчи Nexia автомобиль рулида ухлаб қолиб, бошқарувни йўқотган.
Оқибатда машина йўл четидаги бетон тўсиққа зарб билан урилган ва ҳайдовчи олган тан жароҳати туфайли воқеа жойида ҳалок бўлган.
Изоҳ (0)