Наманган вилоятида 14–15 ноябрь кунлари содир бўлган иккита йўл-транспорт ҳодисаси оқибатида 2 нафар киши вафот этди, дея хабар қилмоқда вилоят ИИБ ахборот хизмати.
«Жигули» йўлни кесиб ўтаётган пиёдани уриб кетди.
2021 йил 14 ноябрь куни соат 19:00 ларда, Наманган шаҳар «Ишонч» МФЙ Янгиқўрғон кўчасида, Янгиқўрғон туманида яшовчи, 1994 йилда туғилган фуқаро «ВАЗ-2106» автомашинасини бошқариб бораётиб, ҳаракат хавфсизлигини таъминлай олмай, йўлни кесиб ўтаётган, Наманган туманида яшаган, 1972 йилда туғилган фуқарони уриб юборган.
Оқибатда пиёда тан жароҳати олиб, шифохонада вафот этган.
Ушбу ҳолат бўйича Наманган шаҳар ИИО ФМБ ҳузуридаги ТБ томонидан 2021 йил 14 ноябрь куни Жиноят кодексининг 266-моддаси 2-қисми (одам ўлимига сабаб бўлган транспорт воситаларини бошқариш хавфсизлиги қоидаларини бузиш) билан жиноят иши қўзғатилган.
Чустда Matiz ва Damas тўқнашди.
2021 йил 15 ноябрь куни соат 15:50 ларда, Чуст–Каркидон йўлининг 3-километрида, Чуст шаҳар «Bibiona» МФЙ ҳудудида, Чуст туманида яшовчи, 1983 йилда туғилган фуқаро Matiz автомашинасини бошқариб бораётиб, ҳаракат хавфсизлигини таъминлай олмай, қарама-қарши йўналишда ҳаракатланиб келаётган, Чуст туманида яшовчи, 1988 йилда туғилган фуқаро бошқарувидаги Damas автомашинаси билан тўқнашган.
Оқибатда Matiz ҳайдовчиси оғир тан жароҳати олиб, воқеа жойида вафот этган ҳамда Damas ҳайдовчиси бош мия чайқалиши, бош мия ёпиқ шикасти ташхиси билан шифохонага ётқизилган.
Ушбу ҳолат бўйича Чуст туман ИИБ ҳузуридаги ТБ томонидан 2021 йил 15 ноябрь куни Жиноят кодексининг 266-моддаси 2-қисми билан жиноят иши қўзғатилган.
Изоҳ (0)