12:17, 20.11.2021 27168

Узоқ умр кўриш учун юрак саломатлиги ҳақида билиш керак бўлган 8 факт

Юрак касалликлари кўплаб одамларнинг ҳаётдан кўз юмишига сабаб бўлади. Айнан шу сабаб ҳам ушбу аъзонинг соғлом бўлишига алоҳида эътибор бериш керак.

Фото: «Домашний очаг»

Ҳатто вазнингиз ортиқча бўлмаса ҳам хавф юқори бўлиши мумкин

Қондаги қанд миқдори юқори бўлса, вазнингиз меъёрда бўлган тақдирда ҳам юракда муаммо кузатилиш хавфи юқори бўлади. Глюкоза хавфининг юқори экани, юрак-қон томир касалликларининг келиб чиқиш хавфини орттиради. Семизлик безовта қилмаган бўлса ҳам қондаги қанд миқдорини ўлчатиб туринг.

Шакар юрак учун холестериндан ҳам хавфлироқ

Ширин маҳсулот ёки тез сингадиган углеводлар истеъмол қилгандан кейин ошадиган инсулин миқдори, қон-томирларга зарар етказиши мумкин. Юрагингиз ҳақида дарҳақиқат қайғурадиган бўлсангиз, нафақат холестерин ва шакар миқдорини ҳам назорат қилинг.

Уйқунинг етарли бўлмаслиги

Тиниқиб ухламайдиганлар, қисқа вақтга нафас олишнинг тўхташи билан намоён бўладиган апное бор ёки йўқлигини текширтириб кўриши керак. Гап шундаки, апное юрак хуружи ёки инсульт келиб чиқишига олиб келиши бунга эса кислород етишмаслиги сабаб бўлиши мумкин.

Ҳомиладорликнинг қийин кечиши

Преклампсия – юрак порогига эрта олиб келиши мумкин бўлган яна бир хавфлардан бири ҳисобланади. Шунингдек, волчанка ёки ревматоидли артрити борлар ҳам эҳтиёт бўлиши, кардиолог кўригидан ўтиши керак. Бунда саломатлик ҳақида кўпроқ қайғуриш, юракни соғломлаштиришга ҳаракат қилиш керак.

Қизил вино ва шоколад

Антиоксидантларга бой экани ҳисобига қора шоколад ва қизил вино юрак саломатлиги учун фойдали. Лекин чиндан ҳам ижобий таъсир кўрсатиши учун меъёрни билиш, ортиқча истеъмол қилмаслик керак. Бир кунда бир неча бўлак шоколад кифоя қилади. Меъёрдан ортиғи саломатликка зарар етказиши мумкин.

Чекишни ташлаш керак

Чекишни ташлаш юрак саломатлиги учун сезиларли даражада ижобий таъсир қилади. Ундан воз кечмаслик эса нафақат юрак, балки бутун организм учун зарарли.

Доимий равишда стресс юракка зарар етказиши мумкин

Ҳамиша стрессда бўлиш, юрак саломатлиги учун хавфли ҳисобланади. Стресс қон босимига таъсир қилиб, қондаги холестерин ва кортизолнинг ортишига олиб келади. Бунда юрак-қон томир касалликларининг ортиш хавфи юқори бўлади. Шу сабаб ҳам асабийлашмасликка, ёга ва медитация билан шуғулланишга ҳаракат қилинг.

Юракнинг соғлом бўлиши тишлар саломатлигига ҳам боғлиқ

Кариес, милкларнинг яллиғланиши юрак касалликларининг пайдо бўлишига олиб келиши мумкин. Даволанмаган тишлар митрал клапанининг инфекциясига олиб келиши бу эса чиндан ҳам хавфли бўлиши мумкин.