Юздаги ҳуснбузар ва муаммоларда қандай муолажалар ёрдам бериши ҳақида маълумот бериб ўтамиз.
Ретинол (А витамини)
Куз ва қиш ретинол (А витамини) айни муддао ҳисобланади. Компонент ёғ безларининг фаолиятини яхшилаб, ҳуснбузар ва пигментлар пайдо бўлишини олдини олади. Тери тонусини яхшилаб, яллиғланишда самара беради. А витаминини парваришга аста-секинлик билан киритиш керак. Аввалига ҳафтада бир марта ишлатиш кифоя. Тери кўчадиган бўлса, хавотирланишга ҳожат йўқ: бу вақтинчалик табиий реакция.
Кимёвий пилинг
Профессионал даражада амалга оширилган кимёвий пилинг, тери аҳволини сезиларли даражада яхшиланишига ёрдам бериши мумкин. Муолажа ёрдамида дағал қатлам йўқолиб, тери тозаланади, ҳуснбузарлар камаяди. Пигмент доғлар очариб, тери ранги яхшиланади. Тўғри воситалар танланса ва йўл-йўриғига асосан бажарилса, тикланиш жараёни узоқ кечмайди. Аммо бир нарсани унутманг, бу тозалайдиган муолажа, бошқа воситалар билан комплекс амалга оширилгандагина теридаги зўриқишларга қарши самара бериши мумкин. Ҳуснбузарлар билан курашишда салицил ва азелаин кислотасининг умумлашмаси айни муддао бўлади.
Ҳуснбузарга қарши фотомуолажа (фототерапия)
Фотомуолажа — илк натижа 7-10 кундан кейин кузатиладиган оғриқсиз муолажа. У пигментларни очартириб, терини таранглаштиради, ҳуснбузарга қарши яхши самара беради. Жараёнда ҳуснбузарни келтириб чиқарган бактерияларга қарши курашилади. Шунингдек, терининг ҳимоя қатлами тикланиб, терининг соғломлашишига қаршилик қиладиган ҳуснбузарга хос қизаришлар камаяди.
Қуйидагилар муолажани ўтказишга қаршилик қилади:
- онкологик касалликлар;
- ультрабинафша нурларига аллергик реакциялар;
- ҳомиладорлик;
- лактация даврида;
- вирусли ва инфексион касалликлар ривожланганда;
- тизимли ретиноидларни қабул қилиш;
- «загар» (муолажадан 3-4 ҳафта аввал).
Мезотерапия — бу микродоз препаратларни инексион ёки аппарат ёрдамида муаммоли тана қисмига юбориш ҳисобланади. Муолажа ҳуснбузар сабаб келиб чиққан муаммолардан ташқари, терининг қуриши, пигментлар, майда ажин ва терининг сувсизланишига қарши самара беради. Жараён C витамин ёки бошқа препаратлар билан амалга оширилиши мумкин. Препарат таркибида фаол моддаларнинг бисёр бўлиши мезококтейл деб аталади. Унинг таркибидан аминокислоталар, минераллар, гиалурон кислота ва пептидлар ўрин олади. Тери тузилиши ва исталган натижага қараб мезококтейл индивидуал бўлади. Натижа ижобий бўлиши учун 5-10 муолажадан иборат курс айни муддао. Унинг самараси ярим йилгача билиниб туради.
Муолажа қандай амалга оширилади?
Тери макияждан тозаланиб, антисептик таркиб суртилади. Кейин оғриқ сезилмаслиги учун анестезия воситасидан фойдаланилади. Даволовчи коктейл икки миллиметр чуқурликда терига юборилади. Муолажа сўнгида терига дезинфексион таркиб ва яллиғланишга қарши косметик восита суртилади. Муолажа 30-60 дақиқа амалга оширилади.
Қуйидагилар муолажани ўтказишга қаршилик қилади?
- антикоагулянтларнинг тугалланмаган курси;
- онкология;
- организмдаги ўткир инфекция;
- яллиғланиш;
- ҳомиладорлик ва лактация;
- сурункали касалликларнинг ўткир кечишида;
- қон ивиши билан боғлиқ муаммо.
Плазмотерапия— ҳуснбузарларни йўқ қилиб, ёғ безлари фаолиятини меъёрлаштирадиган, ҳуснбузарлардан қолган чандиқ ва изларни бартараф қилишга ёрдам берадиган хавфсиз муолажа. Жараёнда бемор қонининг тромбоситларга бой плазмаси ишлатилади. Беморнинг ўз организмидан олингани учун аллергик реакциялар кузатилмайди. Унда бириктирувчи тўқималар коллаген, эластин ва гиалурон кислотасини синтезлай бошлайди. Аммо муолажадан аввал юзни тайёрлаш: ёғ кислоталари, тузли ва ёғли таомлар, кофеиндан воз кечиш, турли жисмоний зўриқишдан чекланиш, никотин ва спиртли ичимликлардан чекланиш керак. Натижа яхши бўлиши учун муолажа бир неча марта такрорлангани яхши.
Изоҳ (0)