Самарқандда туман Халқ таълими бўлими мудири ўринбосари 300 АҚШ доллари пора билан қўлга олинди. Бу ҳақида «Дарё»га ДХХ Самарқанд вилояти бошқармаси маълум қилди.
Таъкидланишича, 2021 йилнинг 16 ноябрь куни ДХХ Самарқанд вилояти бошқармаси прокуратура ҳамда департамент ходимлари билан ҳамкорликда тезкор тадбир ўтказилган.
Тадбир давомида вилоятдаги туманларнинг бирида ХТБ мудири ўринбосари лавозимида ишловчи фуқаро R.T. хизмат мавқейидан фойдаланиб маҳаллий фуқародан туман мактабларининг бирига «ўқитувчи» лавозимига ишга олиб кириб қўйишини ваъда қилиб ундан 300 АҚШ доллари миқдордаги пулларни олган вақтида ашёвий далиллар билан ушланган.
Ҳозирда ҳолат бўйича фуқаро R.T.га нисбатан Жиноят кодексининг тегишли моддалари билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)