Ҳеч кимга сир эмаски, Уэльс маликаси ажойиб дидга эга бўлган. Балки шунинг учун ҳам кўпчилик унинг услубига қойил қолган. Шу сабабдан либос бўйича дизайнерлар эса кинода маликанинг образини деталларигача такрорлаш учун узоқ вақт меҳнат қилади.
«Спенсер» фильми
Диана 1993 йил Янги йил арафасида Чарльз билан ажрашганидан кейин, Сандрингем мулкига келгач, қора шляпа ва унинг устидан туширилган тўр билан янги образда ўзини синаб кўрди. Фильмда ҳам малика ҳаётининг худди шу лаҳзалари акс этган.
Маликанинг гардероби асосан нафис либослардан иборат бўлса-да, лекин баъзида джинси шим ва кўйлак каби кундалик образда ҳам кўриниш берган. Шундай кийимда у 1992 йилда ўғли шаҳзода Гаррини мактабга олиб борган. Актриса Кристен Стюарт ҳам қаҳрамонига ташқи кўриниш борасида ўхшашга ҳаракат қилган.
«Диана: Маликанинг сўнгги кунлари» фильми
Леди Дини Вашингтондаги Қизил Хоч штаб-квартирасига ташрифи чоғида оч сиёҳранг костюм ва марваридли маржонда кўриш мумкин.
«Диана: Севги ҳикояси» фильми
Ушбу фильм ижодкорлари ҳам малика ҳаётидаги муҳим лаҳзани такрорлади: у Анголага ташриф буюриб, минадан тозаланган майдонни кезиб чиқди. Маликанинг фожиали ўлимидан бир неча ой ўтгач, миналардан фойдаланишни тақиқловчи БМТ шартномаси имзоланди.
Диана бу ҳашаматли қора либосни ўзининг 36 ёшига тўлган куни кийган. Уни маликага марокашлик дизайнер Жак Азагури совға қилган.
Оч ҳаворанг либосда Диана «Оққуш кўли» балетини томоша қилиш учун Лондондаги Алберт Ҳалл концерт залига ташриф буюрди.
BBC билан самимий суҳбат учун Диана расмий кўринишни танлаган. Интервьюнинг ўзи эса шов-шувга сабаб бўлган, чунки малика ҳеч қачон шахсий ҳаёти ҳақида бу қадар очиқ гапирмаган эди. Бу муҳим лаҳза ҳам фильмда ўз аксини топди.
«Тож» сериали
Диананинг Австралия бўйлаб гастрол пайтида кийган либоси сериалда айнан тасвирланмаган бўлса-да, аммо дизайнер кайфият ва услубни етказишга муваффақ бўлган. Ушбу кадрда Диана ва Чарльз Улуру-Ката Тюта миллий боғига ташриф буюради.
1989 йилда малика Диана Нью-Йоркка саёҳат қилди. У оқ нимчали кўйлакда Бруклин мусиқа академиясида концертга ташриф буюрган.
Чарльз ва Диана Австралияга сафари доирасидаги Сиднейдаги тадбирда. Эмма Корриннинг кўк рангли кўйлаги малика либосига чиндан ҳам ўхшайди.
Изоҳ (0)