Tashqi ko‘rinishiga vaqt ham o‘z hukmini o‘tkaza olmagan Gollivud yulduzlari (foto)

Sevimli aktyorlarimiz ishtirokidagi filmlarni ko‘rib, ular nima uchun qarimasligi haqida o‘ylab qolamiz. Albatta, ba’zilarining yuziga ajinlar tushgan, boshqalarida esa oq sochlar paydo bo‘lgan, lekin bularning barchasi ularning yoshiga yosh qo‘shmaydi, balki yanada jozibali ko‘rsatadi.

Enn Xeteuey

Aftidan, Enn Xeteuey 2008-yilda “Yo‘lovchilar” filmi ekranga chiqqanidan beri umuman qarimagan. Buni aktrisa ishtirokidagi oxirgi filmlardan biri “Lokdaun”ni tomosha qilish orqali ko‘rish mumkin.

Mishel Rodriges

Mishel Rodriges 31 yoshida “Forsaj” filmining to‘rtinchi qismida o‘ynagan. 12 yildan so‘ng, ya’ni franshizaning oxirgi — to‘qqizinchi qismida uning tashqi ko‘rinishida hech qanday jiddiy o‘zgarishlarni payqamaysiz. Faqat sochlari uzaygan, xolos.

Vin Dizel

“Forsaj” filmida Dominika Toretto nomi bilan mashhur bo‘lgan kelishgan Vin Dizel ham qarilik nimaligini unutgan. Garchi “Forsaj”ning oxirgi qismida yuzidagi ajinlar ko‘paygan bo‘lsa-da, lekin bu ham unga yarashib turibdi.

Anjelina Joli

Vaqt ham Anjelina Joliga o‘z ta’sirini o‘tkaza olmagan. 2008-yilda tomoshabinlar uni “O‘zgartirish” filmidagi ijrosidan qoyil qolgandi, o‘shanda aktrisa 33 yoshda edi. 2020-yilda u “Piter Pen va Alisa mo‘jizalar mamlakatida” fantaziyasida rol ijro etdi.

Martin Friman

Martin Friman ham qarishni xayoliga keltirmaydi, faqat uning oq sochlarigina yoshini fosh qilib qo‘yishi mumkin. Aktyor ijrosidagi 38 yoshida o‘ynagan “Eng yaxshi Rojdestvo” filmini va 49 yoshida ijro etgan “Yil ota-onasi” serialini tomosha qilib, bunga amin bo‘lish mumkin.

Jennifer Eniston

Jennifer Eniston 36 yoshida o‘ynagan “Mish-mishlar” filmidan beri o‘zgarmagan. 2021-yilda “Tonggi shou”ning ikkinchi mavsumining treyleri chiqdi, unda 52 yoshli Jennifer hali ham yosh va chiroyli ekanligini ko‘rish mumkin.

Riz Uizerspun

31 yoshida Riz Uizerspun “Versiya” filmidagi dramatik roli orqali tanildi. 2020-yilda 44 yoshga to‘lganida, u “Hamma yerda yong‘in” teleserialida rol o‘ynadi. Tashqi jihatdan unchalik o‘zgarmagan aktrisaning faqatgina chyolkasidan voz kechganini ko‘rish mumkin.

Gvinet Peltrou

Ko‘rinib turibdiki, yillar Gvinet Peltrouning go‘zalligiga ajinlar emas, faqatgina joziba va nazokat qo‘shgan. Buning uchun 2008-yilda suratga olingan “Oshiqlar” filmidagi va “Siyosatchi” serialining ikkinchi mavsumidagi rolini tomosha qilish kifoya.

Uma Turman

Vaqt Uma Turman ustidan ham o‘z hukmini o‘tkaza olmagan. 38 yoshida u rol o‘ynagan “Tasodifiy nikoh” filmi va 50 yoshda o‘ynagan “Qaysar bobo” filmini ko‘ribgina bunga ishonish mumkin.

Sharliz Teron

2008-yilda Sharliz Teron “Yonayotgan tekislik” dramasida murakkab rolni o‘ynadi. 2021-yilda “Forsaj-9” filmida hali ham jozibali aktrisa millionlab muxlislarini quvontirgan yangi obrazda paydo bo‘ldi.

Monika Belluchchi

Aftidan, Monika Belluchchi organizmida qandaydir maxsus dastur bo‘lib, u qarishga imkon bermaydi. Bunday deyish uchun u 43 yoshida ijro etgan “Ikkinchi nafas” va 12 yildan so‘ng “Erkak va ayol: eng yaxshi yillar” filmlarini tomosha qilish kifoya.

Uill Smit

Kelishgan yigit Uill Smit yillar o‘tgani sayin yanada yasharmoqda. Bunga amin bo‘lish uchun 13 yil oldingi “Yetti hayot” va 2020-yilda suratga olingan “Yomon yigitlar” filmlarini ko‘ring.