Ўзбекистон ҳудуди орқали Ироқ, Сурия, Яман, Ливан, Ливия ва Афғонистон фуқаролари — транзит йўловчиларнинг Беларусь ҳудудига киришига ҳамда уларга авиачипталар сотилишига 2021 йил 17 ноябрдан вақтинчалик чекловлар ўрнатилди. Бу ҳақда Фуқаро авиацияси агентлиги хабар қилди.
Қайд этилишича, Ўзбекистонда рўйхатдан ўтган резидент авиакомпаниялар томонидан мазкур давлатлар фуқаролари – транзит йўловчиларга сотилган авиачипталар аниқланган тақдирда ушбу йўловчиларга чипта пули белгиланган тартибда жарима қўлламаган ҳолда қайтарилиши лозим.
Мазкур чекловлар Ироқ, Сурия, Яман, Ливан, Ливия ва Афғонистон давлатларининг дипломатик паспорт ёки Беларусда доимий яшаш учун берилган яшаш гувоҳномасига эга фуқароларига нисбатан татбиқ этилмайди.
Бундан аввал Ироқ Беларусдаги қочқинлар лагеридан ўз фуқароларини эвакуация қилишни бошлагани, Лукашенко чегарадаги мигрантлар учун бошпана ташкиллаштириш бўйича топшириқ бергани ҳамда Европа Иттифоқи Минск аэропортига қарши санкциялар жорий этиши мумкинлиги ҳақида хабар берилганди.
Изоҳ (0)