Бугун,

  • USD 11095.31
  • RUB 173.84
  • EUR 10772.44

Ливерпулдаги таксида содир бўлган портлашдан сўнг Буюк Британия ҳукумати террорчилик хавфи даражасини «сезиларли»дан «жиддийга» — беш балли шкаланинг тўртинчи даражасига кўтарди, деб хабар беради «Korrespondent.net».

Фото: Twitter / @terror_alarm

Фото: Twitter / @terror_alarm

«Бу шуни англатадики, террорчилик ҳужумлари юқори даражада содир бўлиши мумкин», — дейди мамлакат ички ишлар вазири Прити Пател 15 ноябрь куни ўтказилган йиғилишда.

Мамлакат бош вазири Борис Жонсон Буюк Британия «террорчилар ўзини қўрқитишига йўл қўймаслиги» ҳақида огоҳлантирган. «Биз ҳеч қачон ақл бовар қилмас жиноят ёрдамида парчаламоқчи бўлганларга ён босмаймиз», — дейди Жонсон.

Таъкидланишича, 14 ноябрь куни Ливерпулда содир этилган портлашни полиция теракт сифатида тергов қилмоқда. Аксилтеррор бўлинма вакили Расс Жексоннинг маълум қилишича, гумонланувчи террорчининг шахси аниқланган, аммо тергов манфаатлари сабаб унинг исми ошкор этилмаяпти.

Ливерпулдаги клиника ёнидаги портлаш

14 ноябрь куни тонгда Ливерпулдаги акушерлик ва гинекология клиникаси ёнида қўлбола портловчи қурилма ўрнатилган такси портлаб кетди. Натижада «шубҳали ҳаракатлари» учун ҳайдовчи томонидан машина ичига қамаб қўйилган йўловчи ҳалок бўлган. Полициянинг аксилтеррор бўлинмаси маълумотларига кўра, портловчи қурилмани қурбоннинг ўзи тайёрлаган. Таксичи енгил жароҳат олган.

Портлаш Хотира кунида — ҳалок бўлган британиялик ҳарбий хизматчилар хотирасига бир дақиқалик сукут сақлашдан олдинроқ содир бўлган. Версиялардан бирига кўра, йўловчи машинани Ливерпуль марказидаги кафедрал собор ёнида портлатмоқчи бўлган, аммо такси бинога яқинлаша олмаган. Британия полицияси террорчининг шериклари дея гумонланаётган 20—29 ёш оралиғидаги тўрт кишини ушлаган.

Аввалроқ АҚШда портлаш таҳдиди туфайли учта университет эвакуация қилингани тўғрисида хабар берилганди.

Изоҳ
Асосий янгиликлар
Маҳаллий
«Электр таъминотидаги узилишларга кўп дуч келдим» — Ўзбекистонга кўчиб ўтган IT-мутахассис таассуротлари
Маҳаллий
Шавкат Мирзиёев Володин бошчилигидаги Россия парламент делегациясини қабул қилди (фото)
Дунё
Саакашвилининг организмида маргимуш топилди — адвокат