Бор-йўғи 20 дақиқада мол гўшти ва апельсин шарбатидан мазали таом тайёрлаймиз

Таомни гуруч ёки картошкали гарнир билан дарстурхонга тортиш мумкин.

Керакли маҳсулотлар:

• апельсин – 1 дона;
• сув – 60 мл;
• маккажўхори крахмали – 1 ош қошиқ;
• соя соуси – 1 ош қошиқ;
• мол гўшти – 250-300 грамм;
• пиёз – 1 дона;
• саримсоқ – 1-2 бўлак;
• булғори қалампири – 1 дона;
• ўсимлик ёғи – 1-2 ош қошиқ;
• қизил қалампир кукуни, туз ва зираворлар.

1. Апельсин шарбати сиқиб олинади ва сув, крахмал, соя соуси ва қизил қалампир кукуни билан аралаштирилади.
2. Мол гўшти, булғор қалампири сомонча, пиёз эса думалоқ тўғралади. Саримсоқ майдаланади.
3. Товада ёғни ўртача ҳароратда қиздириб, мўл гўшти 3-4 дақиқа давомида қовурилади ва алоҳида идишга олиниб, фольга қоғоз билан ўралади.
4. Сўнгра саримсоқ, пиёз ва булғори қўшилади ва 2-3 дақиқа қовурилади.
5. Соусли аралашма устидан қуйилиб, 2-3 дақиқа давомида оловда қолдирилади.
6. Устидан мол гўшти қайта солиниб, 2-3 дақиқа қовурилади.
7. Таом тайёр бўлгач, дастурхонга тортилади.