АҚШнинг Нью-Йорк шаҳрида Тошкент вақти билан 7 ноябрь куни UFC 268 мусобақаси бўлиб ўтди.
Кечанинг асосий жанги ярим ўрта вазн тоифаси вакили Камару Усмон ва Колби Ковингтон ўртасида кечди. Жанг тўлиқ 5 раунд давом этди ва унда Усмон очколар эвазига ғалабани қўлга киритди. Шу тариқа нигериялик яккакурашчи чемпионлик камарини ҳимоя қилди.
UFC оқшомининг иккинчи асосий жанги мутлақ енгил вазн тоифаси чемпионлиги учун кечди. Роуз Намаюнас реванш жангида Вейли Жангни очколар ҳисобига енгди ва камарни ҳимоя қилди.
Яна бир қизиқарли беллашувлардан бири енгил вазн тоифаси вакиллари Жастин Гэтжи ва Майкл Чендлер ўзаро тўқнаш келди. Муросасиз ўтган беллашувда Гэтжи очколар ҳисобига ғалабани қўлга киритди.
Асосий кард
- Камару Усмон очколар эвазига Колби Ковингтонни мағлубиятга учратди;
- Роуз Намаюнас очколар ҳисобига Вейли Жангдан устун келди;
- Марлон Вера 3-раунддаги нокаут эвазига Фрэнки Эдгар устидан ғалаба қозонди;
- Шейн Бургос очколар ҳисобига Билли Куарантиллони енгди;
- Жастин Гэтжи очколар эвазига Майкл Чендлердан устун келди.
- Алекс Перейра 2-раундда Андреас Михаилидисни техник нокаут билан таслим этди;
- Бобби Грин 1-раунддаги техник нокаут билан Ал Яквинтадан устун келди;
- Крис Кёртис 1-раундда Филипп Ҳоузни нокаутга учратди;
- Нассурдин Имавов 2-раунддаги техник нокаут эвазига Эдмен Шаҳбазянни мағлуб этди;
- Иэн Гарри 1-раунддаёқ Жордан Уиллямсни нокаутга учратди;
- Крис Барнетт 2-раундаги техник нокаут билан Жан Виллантени енгди;
- Дастин Жейкоби очколар ҳисобига Жон Алландан устун келди;
- Мелсик Багдасарян очколар эвазига Бруно Соузани мағлубиятга учратди;
- Оде Осборн очколар ҳисобига СиЖей Вергарани енгди.
Изоҳ (0)