АПЛ. «Челси» ўз майдонида аутсайдерни енга олмади
Футбол бўйича Англия Премьер Лигасининг 11-турида «Челси» 6 ноябрь, шанба куни «Бёрнли» билан баҳс юритди.
Лондонда кечган ўйинда «Челси» кутилмаганда очко йўқотди. «Аристократлар» 33-дақиқада Кай Ҳаверцнинг голи эвазига ҳисобда олдинга чиқиб олганди. Аммо ўйин якунланиши арафасида меҳмонлар ҳужумчиси Матей Видра мувозанатни тиклаб, «Челси»ни ғалабадан маҳрум қилди.
Ушбу дурангдан кейин «Челси» 26 очко билан мусобақа жадвалида пешқадамлик қилмоқда. «Бёрнли» эса 8 очко билан 18-ўриндан жой олган.
АПЛ
11-тур баҳси
«Челси» — «Бёрнли» 1:1
Голлар: 1:0 – 33 Ҳаверц, 1:1 – 79 Видра.«Челси» – Менди, Жеймс, Тиаго Сильва, Рюдигер, Кристенсен, Чилуэлл, Баркли (Лофтус-Чик, 73), Жоржиньо, Канте (Маунт, 85), Ҳаверц, Ҳадсон-Одои (Пулишич, 85).
«Бёрнли» – Поуп, Лоутон, Ми, Тарковски, Тэйлор, Гудмундссон (Видра, 70), Вествуд, Браунхилл, Вуд (Родригес, 61), Корне (Питерс, 88), Макнил.
Огоҳлантиришлар: Вествуд (68), Жеймс (76), Корне (76), Тарковски (84), Браунхилл (90).
