Сауль «Канело» Альварес енгилмас Калеб Плантни нокаутга учратиб, мутлақ чемпионга айланди

Проф бокснинг суперўрта вазн тоифасида WBA, WBC, WBO камарлари соҳиби Сауль «Канело» Альварес (57-1-2, 39 КО) 7 ноябрь тонгида IBF чемпиони Калеб Плантга (21-1, 12 КО) қарши рингга кўтарилди.

Муросасиз ўтган жангнинг 11-раундида Альварес рақибини нокаутга учратди ва фаолиятидаги 57-ғалабани қайд этди.

Ушбу ғалаба орқали «Канело» Плантга тегишли IBF камарини ўзиники қилган ҳолда суперўрта вазн тоифасида мутлақ чемпионга айланди. Шу тариқа Альварес ушбу вазн тоифасида мутлақ чемпионга эришган илк боксчи бўлди.

Қолган жанглар натижаси билан танишинг:

• Энтони Диррелл (34-2-2, 25 КО) 4-раундда Маркос Эрнандесни (15-5-2, 3 КО) нокаутга учратди;
• Элвис Родригес (12-1-1, 11 КО) бешинчи раунддаги нокаут эвазига Хуан Пабло Ромерони (14-1, 9 КО) енгди;
• Рей Варгас (35-0, 22 КО) очколар ҳисобига Леонардо Баэсни (21-5, 12 КО) мағлуб этди.