Бухоро шаҳрида ҳам 168 ўринга мўлжалланган Президент мактабининг қурилиш ишлари якунланиб, фойдаланишга топширилди. Бу ҳақда «Янги Давр» информацион дастурида хабар қилинди.
Маълум қилинишича, муассаса 2 гектар ер майдонида қурилган. Мактаб 2 қаватли ўқув биноси, 3 қаватли ётоқхона, замонавий меҳмонхона, гимнастика ва спорт заллари, сув ҳавзаси ва ошхона, шунингдек, дарс тайёрлаш хоналаридан иборат.
Таъкидланишича, ўқувчиларга маҳаллий ўқитувчилардан ташқари Буюк Британия, Янги Зеландия, АҚШлик мутахассислар дарс беради. Синфхоналар электрон доскалар билан жиҳозланган, дарслар инглиз ва ўзбек тилларида олиб борилади. Дарслардан сўнг ўқувчилар турли тўгаракларга қатнайди.
Қайд этилишича, 2021/2022-ўқув йили учун 6000 нафардан ортиқ талабгор ҳужжат топширган. Улар икки босқичли имтиҳонда сараланган ва якунда 144 нафар ўқувчи мактабга қабул қилинган.
Эслатиб ўтамиз, октябрь—ноябрь ойларида Андижон, Фарғона, Қашқадарё ва Навоий вилоятларида Президент мактаблари очилганди.
Изоҳ (0)