Марям Узерли «Муҳташам юз йил» сериалининг кастингига шошилинч равишда келган. Бу вақтда у Германияда ижод қиларди, тўсатдан дўстининг қўнғироқ қилиши Марямга ажойиб имконият яратди.
Актриса дарҳол Туркияга етиб келиб, синовдан муваффақиятли ўтди, ҳатто турк тилини билмаслиги ҳам унга халақит бермади. Узерли экранда ўз қаҳрамони Хуррам – Сулаймон Султоннинг канизагини ажойиб тарзда гавдалантирди. Марям сериалнинг 99-қисмида иштирок этди ва у нафақат Туркияда, балки бутун дунё бўйлаб томошабинлар меҳрини қозонди. Сўнгра у кутилмаганда лойиҳани тарк этиб, Германияга қайтиб кетди. Актриса буни касбий жиҳатдан чарчагани, ўта банд кун тартиби билан изоҳлади.
Марям учинчи мавсум олдидан сериални тарк этди. У суратга олиш гуруҳи ва ҳамкасблари билан алоқани тўхтатди ва шу билан бутун лойиҳа жамоасини ноқулай аҳволда қолдирди. Продюсер Тимур Савжи Симге Фıстикўғлу YouTube каналида актрисанинг бу ҳаракати ижодий гуруҳга қандай таъсир қилгани ҳақида гапириб берди.
«У бутун жамоани ноқулай аҳволга солиб кетди, барча ишларни бузди. Бундай бўлишини ҳеч ким кутмаган эди. Бу вазият мени қаттиқ хафа қилди. Кейинчалик Марямнинг акаси мен билан алоқага чиқди, у тушунтиришга ҳаракат қилди. Марям қайтишга тайёр эди, лекин мен «Йўқ, ҳаммаси тугади, қайтишнинг кераги йўқ», деб жавоб бердим.
Узерлининг қилган иши туфайли у бирданига бошқа турк актрисаси – Ваҳиде Перчин билан алмаштирилиши керак эди. Сериал мухлислари эса Ваҳидени қабул қилмади. Натижада «Муҳташам юз йил» сериалининг рейтинги кескин тушиб кетди.
Актриса Марям Узерли турк фильмлари ва сериалларида суратга тушишда давом этмоқда. Аммо актрисанинг кўплаб мухлислари Султон Сулаймон ҳақидаги сериалда унинг нақадар бетакрор бўлганини унута олмайди.
Изоҳ (0)