Белград шаҳри мезбонлигида ўтаётган бокс бўйича Жаҳон чемпионатининг ярим финал баҳслари 4 ноябрь, пайшанба куни бўлиб ўтмоқда.
-60 кг вазн тоифасида Ўзбекистон шарафини ҳимоя қилаётган Абдумалик Ҳалоков эронлик Даниял Шоҳбахшга қарши рингга кўтарилиши керак. Аммо жароҳат сабаб эронлик боксчи жангга чиқмади ва Абдумалик Ҳалоков финалга тўғридан-тўғри йўлланмани қўлга киритди.
Абдумалик Ҳалоков аввалги босқичларда македониялик Жасин Ляма, словениялик Тадей Чернога ва россиялик Всеволод Шумков устидан ғалаба қозонганди.
Эслатиб ўтамиз, Ўзбекистон делегациясининг 13 нафар иштирокчисидан фақат икки нафари ярим финалга қадар етиб келди. Ҳасанбой Дўстматов, Шоҳжаҳон Абдуллаев, Миразизбек Мирзахалилов, Шаҳрам Ғиёсов, Шаҳобиддин Зоиров, Асадхўжа Мўйдинхўжаев, Одилжон Аслонов, Нодиржон Мирзаҳмедов, Саиджамшид Жаъфаров, Лазизбек Муллажонов ва Мужибилло Турсунов эса Жаҳон чемпионатини эрта тарк этди.
Изоҳ (0)