Марварид ёрдамида замонавий образ яратишнинг 6 усули (фото)

Марваридли тақинчоқ ёрдамида образ яратишда жуда эҳтиёткор бўлиш керак, аммо бу уларни рад қилиш учун сабаб бўлолмайди.

Узоқ вақтлардан бери марваридлар Жаклин Кеннеди, Элизабет Тэйлор ва Грэйс Келлининг ташқи кўринишининг ажралмас қисми бўлиб келган. Улар кўпинча марваридли заргарлик буюмларини афзал кўрган ва улардан кейин минглаб аёллар ҳам бу одатни қабул қилган. Сўнгги бир неча мавсумда зодагонларнинг севимли безаги бўлган марваридли безаклар урфга қайтди. Эндиликда дизайнерлар марваридларни нафақат классик кийимларга, балки замонавий образларда ҳам қўлламоқда. Тўғри, марваридлар эгасига ёш қўшмаслиги учун уни ўзига хос тарзда, замонавий тенденцияларни ҳисобга олган ҳолда тақиш керак.

Турли узунликдаги иккита марварид тақилган тақинчоқни олиб, бирини узун, иккинчисини жуда қисқа қилиб тақиш мумкин. Ушбу усул ёрдамида яратилган образни зерикарли деб бўлмайди. Шунингдек, замонавий кийимлар, асосан, джинси кийим учун ажойиб танлов.

Марваридли зиракларни ҳам замонавий образда қўллаш мумкин. Бунинг учун бўйин узунлигидаги тақинчоқлар айни муддао.

Марваридли тақинчоқни билагузук шаклида қўлга ўраш ҳам образга ўзгача кўриниш бағишлайди. Бунда марваридларни бошқа ранглилари ҳам ажойиб кўринади.

Марваридлар тасмасидан кўйлак ёки блузка учун белбоғ сифатида фойдаланилади. Бир ёки иккита маржонни бел соҳасига тақиш орқали қоматга алоҳида урғу бериш мумкин.

Оддий бош тасмасини марварид тизилган ип билан ўраб, жингалак ва текис сочларда чиройли кўринадиган ажойиб аксессуар яратиш ҳам ажойиб фикр.

Оддий ёқали кўйлак устидан тақилган марварид кечки кўриниш учун ажойиб танлов. Яна бир нечта вариант мавжуд, масалан, оёқ тўпиғига безак сифатидан тақилган марваридли мунчоқ ёки дур билан безатилган ҳамёндан аксессуар сифатида фойдаланиш мумкин.