Оёқ кийим нафақат чиройли кўриниши, балки қулай бўлиб, юрганда муаммолар келтириб чиқармаслиги керак.
Оёқни айлантириб боғлайдиган боғичли босоножкалар
Бундай пойабзаллар ноқулай эканидан ташқари саломатлик учун ҳам зарарли ҳисобланади. Боғич ҳисобига қон яхши айланмаслиги, шиш келтириб чиқариши, шунингдек, томирларга таъсир етказиши мумкин.
Баланд платформали пойабзал
Платформа ва танкетли аксарият оёқ кийимларнинг таг қисми қаттиқлиги ҳисобига оёқларнинг ҳаракатланиши қийин кечади. Оғирликнинг бармоқларга тушгани сабаб эса юришда қийинчиликлар кузатилади.
Тепа қисми пайпоқ сингари кийиладиган кроссовкалар
Энг ноқулай оёқ кийимлардан ҳисобланган ушбу модель оёқ кафтини меъёрда ушлаб турмагани ҳисобига турли шикастланиш ва пай чўзилиши кузатилиши мумкин. Қолаверса, матоли қисми кўримсизлиги учун кийишга яроқсиз бўлиб қолиши мумкин.
Ковбойча этиклар
Бундай этикларнинг олд қисми учли экани ҳисобига оёқ бармоқлари қисилиб қолади, бу эса турли муаммолар келиб чиқишига пайдо бўлиши мумкин. Агар айнан шундай этик олгингиз келган тақдирда ҳам олд қисми тўртбурчак ёки думалоқ вариантларга эътибор қаратинг.
Резинадан ишланган пошнали этиклар
Чиройли ва ўзига хос кўрингани билан резинадан ишланган этиклар ҳар куни кийиш учун мўлжалланмаганини ёдда туриш керак. Бундай этиклар ёмғир вақти оёқларга сув тегмаслиги ва иссиқ тутиш учун айни муддао холос. Сирпаниб кетиши мумкинлиги ҳисобига эса пошнали вариантига умуман эътибор қаратмаслик тавсия қилинади.
Пошнаси баланд, ингичка камарли пойабзаллар
Минимал услубда экани, оёқларда чиройли тургани билан ингичка камарли пойабзаллар юришга ноқулай ҳисобланади. Яхши ушламагани ва мустаҳкам бўлмагани ҳисобига оёқ олдинга чиқиб кетаверганидан қайрилиш ва бошқа муаммога олиб келиши мумкин.
Ортиқча «амортизация»ли кроссовкалар
Ортиқча урилиш ва туртилишларнинг олдини олиш, айниқса, олд қисми ҳаддан ортиқ юмшоқ бўлган кроссовка моделларида оёқ нотабиий равишда ҳаракатланади. Баланд-пастликнинг турли экани ҳисобига босим кузатилиши бу эса ортиқча вазнли кишилар учун хавфли бўлиши мумкин.
Боғичли ботинкаларнинг қаттиқ моделлари
Ҳаддан ортиқ қаттиқ экани ҳисобига бундай пойабзалларда ҳаракатланиш қийин бўлади. Оёқни урмасин деб қалин пайпоқ кийилганда эса оёқлар сиқилиб қолади.
Қўй терисидан ишланган этиклар
Бундай оёқ кийим моделлари мушаклар, пайлар ва суякни зўриқтириши, ҳар куни кийиш эса артрит, тизза ва бўксада муаммо келтириб чиқариши мумкин.
Тиззагача бўлган баланд этиклар
Доимий равишда баланд этикларни кийиб юриш пайлар, мушаклар бўшашига олиб келиши мумкин. Уларни узоқ вақт давомида кийиб юрганда таянчга мушаклар ўрганиб қолиб, мустақил ишлагиси келмай қолади. Бунинг олдини олиш учун мушакларни мустаҳкамлайдиган машқларни бажариш керак.
Изоҳ (0)