Кузги салқинда иссиқ ва қулай кийиниш билан бирга, замонавий кўриниш учун асқатадиган тавсияларни эътиборингизга ҳавола қиламиз.
Ранг-баранг, оч рангдаги кийимлар
Қуёшли кунлар қисқаргани ҳисобига гардеробдан турли-туман кийимлар ўрин олгани яхши. Масалан, оч қаймоқ рангни жигарранг кийимлар билан мосласа бўлади. Образ янада қизиқарли бўлиши учун эса ранги аксессуарлардан фойдаланиш тавсия қилинади.
Қулайлик биринчи ўринда бўлсин
Офис учун кийиладиган кийим фақатгина жиддий эмас, қулай ҳам бўлиши керак. Шу сабаб ҳам ҳаракатлар чекланмайдиган либос кийинг. Образни кенг турадиган пальто билан бойитинг. Унинг принти исталганча бўлиши мумкин. Оёқ кийим сифатида қулай этик ёки боғичли ботинкаларга эътибор қаратинг.
Устма-уст кийиниш
Устма-уст кийиниш бу мавсумда ҳар қачонгидан ҳам долзарброқ. Футболка, кофта, жемфер билан ўзига хос комбинация қилса бўлади. Ҳаво бирданига исиб кетса, олдингизни очиб олишингиз ёки устки кийимни ечиб қўйишингиз мумкин. Бу борада кўйлагингиз принтсиз бўлишига эътибор қаратинг. Қолаверса, бир образда учтадан кўп рангдан фойдаланманг.
Ақл билан танлов қилинг
Кийим-кечак борасида онгли танлов қилишга ҳаракат қилинг. Иложи борича 2-3 ой эмас, бир неча йил хизмат қиладиган кийимларни харид қилинг. Бир марта кийганингиз бироз вақтдан кейин бекорга гардеробда жой олиб ётмасин. Шу билан бирга, кийимларни тўғри парвариш қилиш кераклигини унутманг. Шунда улар ёмон аҳволга келиб қолмайди.
«Капюшонка»ли кийим-кечаклар
2021 йилда «капюшон»ли кийимлар такрор урфда. Яхши томони улар билан ҳам замонавий кўриниш ҳам иссиққина юриш мумкин. Образ қизиқарли бўлиши учун спорт услубидаги пойабзаллар, қулай джинсиларни мосланг.
Изоҳ (0)