Ўзбекистонда октябрь ойида энг қиммат ва арзон палов қаерда тайёрлангани маълум қилинди

Давлат статистика қўмитаси Ўзбекистон вилоятлари марказий ҳудудлари кесимида 2021 йилнинг октябрь ойида тайёр паловнинг ўртача нархларига оид маълумотлар билан бўлишди.

Рўйхатдан кўринишича, энг қиммат палов Тошкент шаҳрида сотилган бўлиб, бир порцияси 24 300 сўм бўлган. Ундан кейинги ўринларда эса Бухоро (21 300 сўм), Самарқанд (20 000 сўм) вилоятлари ўрин олди. Энг арзон ош эса Наманган вилоятида, бир порцияси 14 700 сўмдан сотилган.

Бир порция ошнинг ўртача нархи:

• Қорақалпоғистон Республикаси – 15 700 сўм;
• Андижон вилояти – 17 600 сўм;
• Бухоро вилояти – 21 300 сўм;
• Жиззах вилояти –19 000 сўм;
• Қашқадарё вилояти – 20 300 сўм;
• Навоий вилояти – 15 300 сўм;
• Наманган вилояти – 14 700 сўм;
• Самарқанд вилояти – 20 000 сўм;
• Сурхондарё вилояти – 19 600 сўм;
• Сирдарё вилояти – 18 700 сўм;
• Тошкент вилояти – 19 500 сўм;
• Фарғона вилояти – 17 000 сўм;
• Хоразм вилояти – 19 400 сўм;
• Тошкент шаҳри – 24 300 сўм.