Ижтимоий тармоқларда «Сурхондарёда бўлганлиги айтилаётган ушбу ҳодисада — мактаб ўқувчилари ўртасидаги аёвсиз муштлашув» сарлавҳаси остида видеолавҳа тарқалди. Вилоят ИИБ матбуот хизмати ҳолат юзасидан расмий маълумот берди.
Маълум қилнишича, ушбу видеолавҳа юзасидан Термиз шаҳар Ички ишлар бошқармасининг масъул ходимлари томонидан ўрганиш ишлари олиб борилиб, воқеа 26 октябрь куни соат 15:00 ларда 12-сонли умумий ўрта таълим мактабида юз бергани аниқланди.
Шу мактабнинг 7-синф ўқувчиси Ф.А. ҳамда 6-синф ўқувчиси С.Қ. танаффус вақтида йўлакда бир-бирига туртиниб кетиши оқибатида мактаб ҳовлисида ўзаро жанжаллашиб қолган ва бир-бирлари билан муштлашган.
«Мазкур ҳолат юзасидан ҳозирда Термиз шаҳар ИИБ ҳуқуқбузарликлар профилактикаси бўлими томонидан терговга қадар текширув ҳаракатлари ўтказилмоқда. Вилоят Ички ишлар бошқармаси томонидан мазкур терговга қадар текширув ҳаракатлари назоратга олинди, қонуний қарор қабул қилиниши таъминланади», — дейилади ИИБ хабарида.
Изоҳ (0)