Футбол бўйича Англия Премьер Лигасининг 10-туридан ўрин олган бир қатор ўйинлар 30 октябрь, шанба куни бўлиб ўтди.
Амалдаги чемпион «Манчестер Сити» ўз майдонида «Кристал Пэлас»ни қабул қилиб, кутилмаганда 0:2 ҳисобида имкониятни бой бериб қўйди. Дастлаб, Уилфрид Заа меҳмонларни ҳисобда олдинга олиб чиқди. Ўйин якунланиши арафасида эса Конор Галлахер орадаги фарқни яна биттага оширди.
Қайд этиш керак, «шаҳарликлар» биринчи бўлим сўнгидан бошлаб, бир киши кам бўлиб қолди. Эмерик Ляпорт қизил карточка олиб, майдондан четлатилди.
«Ливерпуль» ҳам бу турда ўз майдонида ўйин ўтказиб, «Брайтон» билан муроса йўлини танлади. Мерсисайд клуби биринчи бўлимда Жордан Ҳендерсон ва Садио Маненинг голлари эвазига ҳисобда олдинда бораётганди. Аммо бўлим сўнгги ва иккинчи 45 дақиқалик ўртасида меҳмонлар иккита гол уриб, мувозанатни тиклашга муваффақ бўлди.
«Челси» «Ньюкасл» майдонига сафар қилиб, йирик ҳисобдаги ғалабани тантана қилди. «Аристократлар»нинг ҳар учала голи ҳам иккинчи бўлимда киритилди, Рис Жеймс дубль муаллифига айланди, Жоржиньо эса 11 метрлик жарима зарбасидан унумли фойдаланди.
Ушбу ғалабадан кейин «Челси» 25 очко билан мусобақа жадвалида пешқадамлик қилмоқда. «Ливерпуль» (22) 2-ўриндан жой олган бўлса, «Манчестер Сити» (20) 3-поғонани банд этган.
Топ-5 лигалар онлайн жадваллари, ўйинлар тақвими, тўпурарлар рўйхати — кўриш.
АПЛ
10-тур баҳслари
30 октябрь, шанба
«Манчестер Сити» – «Кристал Пэлас» 0:2
Голлар: 0:1 – 6 Заа, 0:2 – 88 Галлахер.«Манчестер Сити» – Эдерсон, Уокер, Ляпорт, Рубен Диаш, Жоау Канселу (Маҳрез, 78), де Брюйне (Стоунз, 59), Бернарду Сильва, Родри, Грилиш (Стерлинг, 78), Фоден, Габриэль Жезус.
«Кристал Пэлас» – Гуаита, Уорд, Андерсен, Гехи, Митчелл, Куяте (Олисе, 85), Макартур, Галлахер, Айю (Бентеке, 65), Заа, Эдуар (Шлупп, 73).
Огоҳлантиришлар: Айю (27), Бернарду Сильва (45), Эдерсон (45), Галлахер (65), Гуаита (86).
Четлатиш: Ляпорт (45).
«Ливерпуль» – «Брайтон» 2:2
Голлар: 1:0 – 4 Ҳендерсон, 2:0 – 24 Мане, 2:1 – 41 Мвепу, 2:2 – 65 Троссард.«Ливерпуль» – Алиссон, Александер-Арнольд, ван Дейк, Конате, Робертсон, Ҳендерсон, Кейта (Окслейд-Чемберлен, 20), Жонс (Минамино, 87), Фирмино (Диогу Жота, 78), Салоҳ, Мане.
«Брайтон» – Санчес, Велтман, Даффи, Данк, Кукурелья, Лаллана (Гросс, 77), Марч, Модер (Лэмпти, 66), Биссума (Мак Аллистер, 60), Мвепу, Троссард.
Огоҳлантиришлар: Минамино (88), Лэмпти (90), Даффи (90), Робертсон (90).
«Ньюкасл» – «Челси» 0:3
Голлар: 0:1 – 65 Жеймс, 0:2 – 77 Жеймс, 0:3 – 81, пенальти Жоржиньо.«Ньюкасл» – Дарлоу, Манкильо, Кларк, Ласселс, Крафт, Ритчи, Фрэйзер (Уиллок, 66), Ҳейден (Альмирон, 67), Лонгстафф (Шелви, 81), Сен-Максимен, Уилсон.
«Челси» – Менди, Жеймс, Тиаго Сильва, Рюдигер, Кристенсен, Чилуэлл, Жоржиньо, Канте (Лофтус-Чик, 64), Зиеш (Баркли, 64), Ҳаверц, Ҳадсон-Одои (Сауль, 88).
Огоҳлантиришлар: Ҳейден (17), Ритчи (39), Канте (54), Ласселс (55), Зиеш (57).
Изоҳ (0)