Сербиянинг Белград шаҳрида бокс бўйича Жаҳон чемпионатининг 6-кунги баҳслари 30 октябрь, шанба куни бўлиб ўтмоқда.
-63,5 кг вазн тоифасида Мужибилло Турсунов япониялик Тайга Иманагага қарши рингга чиқди. Ҳар учала раундда ҳам фаол ҳаракат қилган Турсунов якунда рақибидан 5:0 ҳисобида устун келди ва кейинги босқич йўлланмасини нақд қилди.
Эслатиб ўтамиз, мусобақанинг дастлабки беш кунида бир қатор ўзбекистонлик боксчи ўз жангини ўтказди. Одилжон Аслонов, Нодиржон Мирзаҳмедов, Асадхўжа Мўйдинхўжаев, Саиджамшид Жаъфаров, Одилжон Аслонов, Шаҳобиддин Зоиров, Мадиёр Саидраҳимов, Абдумалик Ҳалоков ва Лазизбек Муллажонов рақибларини енгиб, кейинги босқичга йўл олган бўлса, Ҳасанбой Дўстматов, Шоҳжаҳон Абдуллаев, Миразизбек Мирзахалилов ва Шаҳрам Ғиёсов мусобақа билан эрта хайрлашди.
Изоҳ (0)