Netflix тарихидаги энг машҳур лойиҳа бўлган «Калмар ўйини» компанияга 900 миллион доллар даромад келтирган. Аммо шунга қарамай сериал режиссёрига сизу биз ўйлаганчалик кўп гонорар тўланмаган.
Режиссёр Хван Дон-хек The Guardian нашрига берган интервьюсида сериал унга қанча даромад келтиргани ҳақида маълумот берган. У сериал ортидан ҳаддан ташқари кўп маблағга эга бўлгани ҳақидаги миш-мишларни ёлғон эканини айтиб ўтган. «Унчалик бой эмасман. Топганим ўзимга етади. Қора қозон қайнаб турибди. Netflix менга бонус бермади, менга шартноманинг дастлабки шартларига мувофиқ пул тўлашди», — дейди у
Режиссёр ҳазиллашиб сериалдаги бош қаҳрамон ютганидан кейин қўлга киритган маблағдан ҳам камроқ пул топганини таъкидлаган.
Маълумот учун, сюжетга кўра Сон Ки Хун барча синовлардан ўтиб, ғолиб бўлади ва 38 миллион доллардан кўпроқ пулга эга бўлади. Хван Дон-хек, шунингдек, кучли стресс сабаб суратга олиш майдончасида олтита тишини йўқотганини ҳам маълум қилган.
Экран юзини кўрганидан кейин атиги 17 кун ичида «Калмар ўйини»ни 111 миллион аккаунт эгаси томоша қилган. Кинокартина жиддий молиявий муаммоларни бошдан кечираётган ва омон қолиш учун ўйинда иштирок этадиган 456 нафар қаҳрамон ҳақида ҳикоя қилади.
Изоҳ (0)