2019 йил апрель ойида Адель турмуш ўртоғи – бизнесмен Саймон Конекки билан ажрашишга қарор қилган. Собиқ жуфтликнинг ўғли бор, у онаси билан яшайди. Адель ажралиш мавзусида бир неча бор интервью берган, аммо яқинда бунинг бошқа сабабларидан бири унинг Лос-Анжелесга кўчиб ўтиш истаги эканини маълум қилди.
Адель Лос-Анжелесдан уй сотиб олмоқчи бўлган, турмуш ўртоғи эса ватани Буюк Британияни тарк этишни хоҳламаган. Ажримдан сўнг Адель орзусини амалга оширишга муваффақ бўлди – у бирданига иккита уй сотиб олди ва улардан бирида илк марта журналистлар учун сафар уюштирди.
Икки қаватли чиройли уйнинг ички қисми очиқ рангларда безатилган. Хонанданинг деярли ҳар бир хонасининг девори безак ва нақшларсиз кўринишга эга. Шунингдек, кираверишда бир неча ётоқхонали иккинчи қаватга кўтирилиш йўлакчаси мавжуд.
Биринчи қаватда Аделнинг уйидаги севимли жойларидан бири – ошхона бор. У ер кенг ва жуда ёруғ бўлиб, хона оқ рангга устунлик бериб безатилган, шунинг учун у янада кенгроқ кўринади. Адель кўп вақтини ошхонада ўтказишни яхши кўради. Алоҳида овқатланиш жойида у ўғли Анжело билан овқатланади.
Ошхона ёнида ғайриоддий меҳмонхона мавжуд. У уйнинг ички қисми билан бир хил услубда безатилган, аммо фақат бир деталь – қизил диван одамни ўзига тортади. Аделнинг сўзларига кўра, бу мебель унинг учун жуда қадрли.
Аделнинг яна бир севимли жойи – бу қўшни ҳудуд, яъни инглиз услубидаги ажойиб боғ. У ерда қўшиқчи ўғли билан оқшомлари суҳбатлашишни яхши кўради. Адель учун энг муҳими – бу ўғли билан икки қаватли шинам уйга кўчиб ўтиш орқали эришган ички қулайлик ҳисси.
Мавзуга доир:
Изоҳ (0)