2020 йил якунларига кўра Ўзбекистон бўйича атмосфера ҳавосини ифлослантирувчи стационар манбалардан атмосферага чиқарилган ифлослантирувчи моддалар миқдори 924,4 минг тоннани ташкил этган. Бу ҳақда Давлат статистика қўмитаси хабар берди.
Ушбу кўрсаткич ҳудудлар кесимида таҳлил қилинганда, энг юқори улуш Тошкент ва Қашқадарё вилоятлари ҳисобига тўғри келган — мос равишда 46,5 ва 13,9 фоиз.
Энг кам улуш Жиззах вилояти – 0,4 фоизда қайд этилган. Сурхондарё ва Хоразм вилоятларида эса атмосфера ҳавосини ифлослантирувчи стационар манбалардан чиқарилган ифлослантирувчи моддалар миқдори 0,7 фоиздан тўғри келган.
Эслатиб ўтамиз, 2019 йилги ўрганишга кўра, атмосферага мамлакат бўйича йилига ўртача 2,5 миллион тонна ифлослантирувчи модда чиқарилган бўлса, шунинг 1,5 миллион тоннадан ортиқ қисми транспорт воситаларидан чиқаётган ифлослантирувчи моддаларга тўғри келган. 2020 йил карантин даврида автомобиль ҳаракатининг чекланиши туфайли атмосферага ойига 120 минг тонна чиқинди чиқиши камайган.
Изоҳ (0)