Netflix стриминг платформаси Жанубий Кореянинг «Кальмар ўйини» сериали машҳурликка эришгани фонида унга бағишланган коллекцияни тақдим этди, деб хабар беради Esquire.
Тақдим этилган худи ва футболкалардаги рамзларни ўзгартириш — фильмдаги керакли кадрларни танлаш, ундаги пиктограммаларни, шунингдек, инглиз ёки корейс тилида тоготипни, сериалдаги ўйинчининг рақамини қўшиш мумкин. Танлов учун асосий қаҳрамонларнинг рақамлари ҳам мавжуд — 067, 456, 001 ва 218.
Оқ ва қора рангда тақдим этилган футболкалар нархи 35 долларни, фақатгина қора рангда бўлган худилар эса 50 долларни ташкил этади. Буюмларни Netflix сайти орқали харид қилиш мумкин.
Аввалроқ Netflix «Кальмар ўйини» сериалида кўрсатилган телефон рақамни ўзгартириши, унинг ҳақиқий эгасига ҳар куни минглаб қўнғироқлар бўлаётгани, Жанубий Корея провайдери «Кальмар ўйини» сабаб томошабинлар оқими ортгани учун Netflix’ни судга бергани тўғрисида хабар берилганди.
Изоҳ (0)