Россиянинг Екатеринбург шаҳри четида милтиллаб ёниб турган торф (ўсимликларнинг табиий чиришидан ҳосил бўлган модда) ботқоқликларидан чиқаётган тутун 14 октябрь куни эрталаб шаҳарни бутунлай қоплаб олди. «Роспотребнадзор» шаҳарнинг тўртта туманида ҳаводаги зарарли моддаларнинг концентрацияси максимал меъёрдан ошиб кетганини қайд этди. Тутун туфайли Екатеринбург ҳалқа йўли қисман ёпилди, Кольцово аэропортида рейслар кечиктирилди ва бир неча мактабларда ўқувчилар масофадан ўқитишга ўтказилди. Синоптиклар ҳаводаги зарарли аралашмалар 17 октябрга келибгина тарқалиши мумкинлиги ҳақида огоҳлантирди. Тутунли Екатеринбургнинг кўриниши — Meduza фоторепортажида.
Изоҳ (0)