Бугун,

  • USD 10920.28
  • RUB 177.49
  • EUR 11052.42

Xiaomi компанияси геймерлар учун FHD+ АМOLED-экранлари билан жиҳозланган Black Shark 4S ва 4S Prо смартфонларини тақдим этди, деб хабар беради Hi-Tech.Mail.ru.

Фото: GSMarena

Xiaomi Black Shark 4S ва 4S Prо ўйин смартфонларига Full HD+ сифатни қўллаб-қувватловчи 6,67 дюймли Samsung E4 АМOLED дисплейлари ўрнатилган. Экраннинг янгиланиш частотаси 144 герцга тенг, сенсорнинг тегинишларни қабул қилувчи 720 герц частотаси эса тасвир сифатини таъминлайди.

Базавий моделнинг «юраги» сифатида 8/12 гигабайт тезкор ва 128/256 гигабайт ички хотира билан Snapdragon 870 процессори танланган. Prо-версиянинг процессори кучлироқ — Snapdragon 888 Plus. Тезкор хотираси сиғими ҳам катта — 12/16 гигабайт, ички хотираси эса 256/512 гигабайтни ташкил этади.

GSMarena маълумотларига кўра, базавий ва Prо-версия UFS 3.1 хотира чиплари ва RAID созламада SSD’га эга бўлиб, бу қурилманинг бозордаги бошқа смартфонлар билан таққослаганда ёзувларни юқори тезликда ўқишини таъминлайди. Иккала смартфон ҳам Android 11 асосидан JoyUI 12.9 операцион тизимида ишлайди.

Фото: GSMarena

Смартфонларнинг иккисига ҳам 20 мегапикселли селфи-камералар ўрнатилган. Асосий камера модулида 8 мегапикселли ўта кенг бурчакли объектив, 5 мегапикселли чуқурликни ўлчовчи датчик жойлашган, линейкадаги моделлар фақат асосий датчиклари ўзаро фарқ қилади: 4S’га 48 мегапикселли, Pro’га 64 мегапикселли камера ўрнатилган.

Янги қурилмалардаги батареяларнинг сиғими 4500 мА/соатга тенг бўлиб, 120 ваттли тезкор қувватланиш функциясига эга. Шунингдек, барча стандарт уланишлар мавжуд: Wi-Fi 6 (802.11ах), Bluetooth 5.2, GPS/GLONASS/Beidou ва NFC чип. Бармоқ изи сканери экран остида жойлашган.

Black Shark 4S нархи 2699 юандан (420 доллар), Prо-версияники 4799 юандан (745 доллар) бошланади. Шунингдек, корпусининг шакли билан ажралиб турувчи 12/256 гигабайт хотирага эга Guandam Edition версияси ҳам мавжуд бўлиб, унинг нархи 3499 юанга (545 доллар) тенг.

Эслатиб ўтамиз, 2021 йилнинг мартида Xiaomi геймерлар учун Black Shark 4 ва 4 Prо флагманларини тақдим этганди.

Изоҳ
Асосий янгиликлар