iPhone 13 эгалари аккумуляторнинг қувватланиш белгиси қурилма электр манбайига уланмаганида ҳам чиқиб қолаётганидан эътироз билдирмоқда, деб хабар беради Hi-Tech.Mail.ru.
Юзага келган мазкур хатоликни оммавий деб атаб бўлмайди, аммо у бир кишида учрамаган.
Кадрлардан кўриш мумкинки, хитойлик фойдаланувчининг iPhone’и қувватлантиргичга уланмаган, аммо экраннинг юқори ўнг бурчагида белги барибир турибди. Таъкидланишича, суратнинг ҳақиқийлигига шубҳа билдирган инсонлар учун Хитойнинг Weibo ижтимоий тармоғида ҳолат тасвирланган видео ҳам эълон қилинган.
Янги iPhone эгалари қувватлантириш борасидаги муаммодан ташқари, iOS 15 операцион тизимида экран сенсори ишламай қолаётганидан шикоят қилмоқда. «Олдинлари дисплейга бир марта босиш қайта алоқани берган бўлса, эндиликда 4—5 марта босишга тўғри келмоқда», — дейди манба.
Муаммо янги iPhone’лар билан бирга, iOS 15 ни ўрнатган эски моделларга ҳам тааллуқли. Афтидан бу тизим билан боғлиқ ва навбатдаги янгиланиш орқали у тўғирланади.
Эслатиб ўтамиз, iOS 15 операцион тизими июнь ойида дастурчилар учун мўлжалланган WWDS 2921 тақдимотида тақдим этилганди. Янгиланишга кўра, эндиликда компания веб-браузерда қўнғироққа уланиш учун ҳаволалар яратиш ва уларни календарга қўшиш имконияти мавжуд. Аввалроқ iOS 15 Apple наушникларининг овозли бошқарув тизимини бузиб қўйгани тўғрисида хабар берилганди.
Изоҳ (0)