ERIELL Group лойиҳалари фақат Ўзбекистон, Ироқ ва Россия Федерацияси минтақалари билан чекланмайди. Компаниялар гуруҳининг халқаро лойиҳалар МББ хорижий мамлакатларда ишлаш бўйича улкан тажрибага эга. Хусусан, ERIELL Group ходимлари Бангладеш Республикасида 2012 йилдан бери Газпром ЭП International Investments B.V билан ҳамкорликда ишлаб келмоқда. Бу вақт ичида ушбу мамлакатнинг турли провинциялари ва конларида 17 та разведка конлари қурилиб, тайёр ҳолда фойдаланишга топширилди, янги, сермаҳсул қатламлар муваффақиятли синовдан ўтказилди. 3550 метр чуқурликдаги разведка қудуқларини бурғилаш ва ҳали ўрганилмаган янги сермаҳсул горизонтларни очиш аҳоли ва ишлаб чиқариш объектлари газ таъминотида мустақилликка эришиш Бангладеш нефть ва газ тармоғининг устувор вазифаси ҳисобланади.
ERIELL GROUP халқаро сервис етакчиси билан ҳамкорликда «Титас», «Бакрабад», «Рашидпур», «Бегумганж», «Шахбазпур», «Бола» конларидаги кўплаб қудуқларни сифатли ва аксар ҳолларда муддатидан олдин бурғилади. Геологик асоратларга дуч келиш, аномал даражадаги юқори қатлам босими (800 атм.гача)га эга горизонтларни очиш, ёпишқоқ қатламларга қарамай компаниялар гуруҳи мутахассислари томонидан лойиҳа чуқурликларга етган ва бир-бирига мос келмайдиган қатламларни сифатли изоляция қилиш билан бирга, авариясиз бурғилаш амалга оширилди. Кўплаб разведка тузилмаларида ўртача 400—500 минг куб метр саноат гази оқими олинди. Янги қатламларнинг муваффақиятли синовдан ўтказилиши Бангладеш Республикаси ҳукумати томонидан ижобий баҳоланиб, ERIELL Group фаолияти бош буюртмачи BAPEX ва Petrobangla номидан миннатдорлик хатлари билан эътироф этилди.
Ишнинг алоҳида мураккаб шарт-шароитлари сифатида мамлакат ичидаги ўта мураккаб логистикани қайд этиш жоиз. Тор йўллар, дарёнинг кечув жойлари, тирбанд ҳаракат йирик габаритли ва оғир юкларни ташишда жиддий тўсиқ бўлди. Бироқ йўлларни кенгайтириш ва мустаҳкамлашга доир ишларнинг ўз вақтида бажарилиши, ташишларнинг эрта режалаштирилганлиги тўсиқларни енгиб ўтиш ва ишларни ўз муддатида бажариш имконини берди.
Жорий йил июнь ойининг охирида ERIELL Group томонидан Бола оролида учта разведка қудуқларини бурғилашга доир навбатдаги битим имзоланди. Компаниялар гуруҳи ходимлари мазкур минтақада иккита разведка қудуғи — «Шарқий Шахбазпур» №1 ва «Шимолий Бола» №1 қудуқларини бурғилаш бўйича тажрибага эга. Ҳозирги вақтда тайёргарлик ишлари авжида, потенциал пудратчилар жалб қилинмоқда, келгусида ишларни амалга ошириш учун асосий МТРларни контрактация қилиш бўйича ишлар амалга оширилмоқда. Шартномага кўра, илк қудуқни бурғилаш 2022 йилнинг май ойига режалаштирилмоқда.
ERIELL Group матбуот хизмати
Изоҳ (0)