Муваффақиятсиз ижролари учун «Олтин малина» мукофотига лойиқ топилган, шунингдек, энг яхши деб эътироф этилгани учун «Оскар»ни қўлга киритган машҳурлар ҳақида маълумот бериб ўтамиз.
Бен Аффлек
Аффлек икки карра «Оскар» мукофоти номзоди саналади. Улардан бирида Бен энг яхши сценарий муаллифи сифатида кейингисида эса энг машҳур продюсер деб эътироф этилган. Шунингдек, у уч карра «Олтин малина» мукофотига сазовор бўлган. Унинг актёрлик маҳорати танқидчилар томонидан қониқарсиз деб баҳоланган.
Сандра Буллок
«Стив ҳақида ҳамма нарса» картинасидаги роли учун Сандра бирваракайига икки карра «Олтин малина»га эга бўлган. Мукофотни қабул қилиб олиш учун саҳнага чиққан актриса иштирокчиларга ўша муваффақиятсиз чиққан фильмнинг DVD дискини тарқатган. Бир кундан кейин эса Буллок «Меҳр ҳудуди»даги роли учун энг яхши аёл ижрочи сифатида «Оскар»га сазовор бўлган. Шундай қилиб, у илк марта бир йилда иккита мукофотга лауреат бўлган.
Брэд Питт
«Вампир билан интервью» лентаси прокатда муваффақиятли чиққанига қарамай, танқидчилар Брэд Питт ва Том Крузнинг актёрлик дуэтига етарли баҳо бермаган. Шу сабаб ҳам уларнинг ҳар иккиси ҳам 1995 йилда «Олтин малина»га сазовор бўлган. Аммо орадан 10 йил ўтиб, Питт ўзининг энг яхшилигини исботлаб, «12 йиллик қул» фильми учун продюсер сифатида «Оскар»ни қўлга киритган.
Леонардо Ди Каприо
Леонардонинг актёрлик карьераси машаққатларга тўла бўлган. Ижодини бошлаганида «Олтин малина»га лойиқ деб топилган актёр «Оскар»га эга бўлиш учун ўнлаб йиллар кутишига тўғри келган. Узоқ кутилган мукофотни қўлга киритишига «Омон қолган» фильмидаги роли сабабчи бўлган.
Холли Берри
Холли ҳам Сандра сингари саҳнага чиқиб «Олтин малина»ни қабул қилиб олишдан чўчимаган. Шунга қарамай бошқа қўлида «Оскар»ни ушлаб турган.
София Коппола
София билан бўлган ҳодиса юракка қулоқ солиш кераклигига яна бир марта исбот бўла олади. Ёш Коппола актрисалик фаолиятини бошлаши биланоқ «Олтин малина»га лойиқ кўрилган. Режиссёр сифатида фаолият бошлаганда эса «Оскар»ни қўлга киритишнинг уддасидан чиққан.
Изоҳ (0)