Ижтимоий тармоқларда хонанда Жастин Бибернинг актёр Том Крузга гитара чалишни ўргатган видеоси тарқалди.
Томнинг гитара чалишни эплай олмагани акс этган роликка шунчаки жим қараб тура олмаган Жастин унга ҳақиқий мусиқа нималигини ўргатиб қўймоқчи бўлган.
Шундай қилиб, Бибер 2 соат давомида Instagram stories’ида Томга гитарани қандай чалиш кераклигини ўргатган. Аммо роликдаги Том Круз ҳақиқий бўлмаган.
Маълум бўлишича, у гитара чалаётгани акс этган видео дипфейк-технология ёрдамида тайёрланган.
Аслида Крузнинг ролини бошқа бир актёр амалга оширган бўлиб, унинг юзида нейротармоқ ёрдамида яратилган ниқоб бўлган.
Жастин Круз акс этган видео анчадан бери Голливуд юлдузларининг кўринишидаги дипфейклар тарқатадиган TikTok’даги @deeptomcruise саҳифасида эълон қилинганига эътибор бермаган. Бу ҳам етмагандек: «Том Круз, гитара чалиш қобилиятингдан таъсирландим», деб ёзиб қолдирган. Stories’да эса актёрнинг гитарадаги ижро маҳорати устидан кулган ва ҳақиқий Томнинг аккаунтини белгилаган.
Кейинроқ хатосини тушуниб етганидан кейин: «Бу ҳақиқий Том Круз эмасми? Нима бўлса ҳам бу жуда кулгили», деб ёзиб қолдирган.
Изоҳ (0)