«Ўзгидромет» дам олиш кунлари совуқ ҳаво оқими кириши кутилаётганини маълум қилганди. Марказ маълумотларига кўра, келаси ҳафта ўртасига келиб ҳарорат яна кўтарилади.
Қайд этилишича. 8 октябрь куни республика бўйича беқарор об-ҳаво бўлиши кутилмоқда. Ҳудуднинг катта қисмида нисбатан илиқ ҳарорат фонида бироз ёмғир ёғади. Фақат республиканинг шимолий ҳудудларида ва Сурхондарё вилоятида ёғингарчилик кутилмайди. Ҳаво ҳарорати 13-18 даража илиқни ташкил этади.
9 октябрь, шанба куни Ўзбекистион ҳудудига Каспий денгизи орқали Россия Европа қисмининг (Москва вилояти) устида шаклланган совуқ ва нам ҳаво массалари кириб келади. Тошкент, Самарқанд, Жиззах, Қашқадарё вилоятларида ва Фарғона водийсида баъзи жойларда ёмғир ёғади. Республиканинг тоғли ҳудудларида ёғингарчилик (ёмғир, қор), баъзи жойларда кучли бўлиши кутилмоқда. Ҳаво ҳарорати кундуз кунлари 10-13 даража илиқдан ошмайди. Бу иқлимий меъёрдан 8-10 даражага пастдир.
Якшанба куни ёғингарчилик бўлиши эҳтимоли фақат республиканинг шарқий ҳудудларида сақланиб туради. Ҳарорат кечалари 2-5 даража илиқгача, шимолда 0-3 даража совуққача пасаяди. Кундуз кунлари 10-13 даража илиқ атрофида сақланиб туради.
11 октябрь, душанба кунидан бошлаб Ўзбекистоннинг барча ҳудудида қуруқ об-ҳаво ўрнашади. Ҳафта бошида 2-5 даража илиқ атрофида бўлган паст ҳарорат саланишда давом этади, кундуз кунлари эса ҳарорат кўтарила бошлайди ва ҳафта ўртасига келиб 17-20 даража илиқ бўлади.
Изоҳ (0)